NAGISING si Georgia sa isang silid na hindi pamilyar sa kanya. Mabigat pa rin ang kanyang ulo. Tiningnan niyang mabuti ang silid kung saan siya nakahiga. Alam niyang never niya pa nakita ang silid na iyon. At lalong hindi iyon ang silid ni David. Maluwag ang naturang silid at hindi gaanong marami ang gamit sa loob. Ang nakakapagtaka pa ay itim ang pintura ng silid. Ang naalala niya lang ay ang taong huling nakasama niya. Si Marvin. Napatingin siya sa kaliwa niyang kamay. Nakaposas iyon sa frame ng kama kaya pala hindi niya iyon maigalaw. Lumakas ang kabog ng kanyang dibdib. Sino ang gagawa sa kanya ng ganito? Nasaan siya? Gulong-gulo ang kanyang isipan.
Pilit niyang hinihila ang kanyang kamay pero sa tuwing na hinihila niya ay nasasaktan lamang siya. Hinanap niya ang kanyang bag pe
