DINALA siya ni Marvin sa bahay ng mga ito dahil ayon sa lalaki ay kaarawan daw ng ama nito. Higit na mas malaki pa rin ang mansiyon ng kanyang Papa Morgan kaysa sa bahay ng lalaki. Masaya siya dahil naamin niya rin kay Marvin ang kanina niya pang gusto aminin. Kanina niya pa gustong umuwi pagkagaling niya sa doctor pero hindi niya magawa dahil nangako siya kay Marvin na dadalo siya sa kaarawan ng ama nito. Excited siyang makausap si David at nang magkalinawan sila. Gusto niyang makita ang reaksyon nito kapag sinabi niyang buntis siya at ito ang ama.
“Mukhang wala naman kayong bisita,” puna niya kay Marvin. Nakaalalay ito sa kanya habang papasok sila sa bahay ng mga ito.
“Ayaw kasi ni Papa ng maraming bisita. Don’t worry kapag napakilala na kita kay Papa ay ihahatid na kita,” nakan
