NATIGILAN ang mga tiyahing ni Georgia nang makita ang pagbabago niya. Nakanganga ang mga ito sa kanya. Pagkatapos niyang magpaayos ay namili rin sila ng ilang gamit. Napangiti siya sa reaksiyon ng mga ito pero nawala din ang ngiting iyon nang makita niya si David. Galing ito ng banyo kung kaya hindi niya agad nakita. Napahawak siya sa Tita Carmen niya. Napansin niyang todo ang ngiti nito sa lalaki. Bumilis ang t***k ng kanyang puso.
Natigilan si David nang makita siya. Siguro ay nabigla ito sa pagbabago niya.
“Mabuti pa maiwan na muna namin kayo,” nakangiting wika ni Tita Carmen. Niyaya nito ang mga kapatid na iwan na muna sila.
“Mabuti pa nga at kanina pa dito si David, kung bakit ba kasi hindi kayo marunong sumagot ng cellphone,” sagot naman ni Tita Susan. Kinuha nang Ti
