HINDI alam ni Georgia kung ano ang pumasok sa kanyang isip ng gabing iyon. Siya mismo ang gumawa ng paraan upang may mangyari sa kanila ni David. Gusto niyang magalit at sumbatan ito pero sa huli ay natatagpuan niya ang sarili na nadadala sa mga halik at haplos nito. Kahit ano pa ang sabihin nito ay hindi mawala sa isip niya na nilapitan lang siya nito dahil kay Belle. Si Belle ang dahilan kung bakit siya nito binabalik-balikan.
Ilang araw nang iniiwasan ni Georgia si David. Hindi niya na mabilang ang mga text at tawag na hindi niya sinasagot. Mas maganda na siguro ang ganito. Ang maagang mag move on kaysa naman ipilit niyang mahalin siya ng isang tao na malabong mangyari. Suntok sa buwan kung mamahalin din siya ni David. Tama na siguro na ipau
