NAKATAAS ang kilay niyang nang magsalubong sila ng tingin ni Pamela. Kanina pa kasi siya nito pinapansin na nakatingin sa kanya. Hindi niya tuloy magawang ubusin ang kinakain niyang lasagna.
"Am I so beautiful?"
"Actually, hindi ka nga maganda ngayon dahil ang laki ng pinagbago mo."
Kinabahan siya sa sinabi nito. Marahil napapansin nito ang pagbabago ng kanyang katawan. Tumataba na kasi siya at nararamdaman niya iyon dahil sa masikip na ang kanyang mga damit. Hindi na rin niya mapigilan ang paglaki ng kanyang tiyan.
"Bakit maganda ka ba?" Sarkastikong sagot niya.
Inilapit ni Pamela ang mukha niya at nakipagtitigan ito sa kanya. Kinabahan siya dahil nararamdaman niyang alam ni Pamela na buntis siya.
"Umamin ka nga sa akin, buntis ka ba?"
Umiwas siya. Hanggat kaya niyang itanggi na b
