AKHIRAH:
NAGPUPUYOS ako ng galit na umuwi ng mansion. Mahalaga palang bagay ang nawala sa memorya ko pero wala manlang nagsabi sa akin! Isang taong nabura si Raiden sa memorya ko pero wala manlang nagsabi sa akin ng tungkol sa kanya.
Para akong kinukurot sa puso ko na maalala ang unang araw na nagising ako mula sa coma. Kung saan nandoon si Raiden na luhaang nakamata sa akin at kita ang pagdaan ng sakit sa mga mata nito na sinabi kong. . . hindi ko siya nakikilala. Lumabas ito noon ng silid pero bago pa man nakatalikod ay kita ko ang pagyugyog ng balikat nito na napatakip ng palad sa bibig at impit na napahagulhol. Malalaki ang hakbang na lumabas ng silid ko na at hindi ko na muling nakita pa.
Kaya marahil hindi ko na naisip ang tagpong iyon dahil akala ko ay parte siya ng hallucinatio
