AKHIRAH:
TAHIMIK ako habang nakayakap dito at pasimpleng nagpahid ng luha na bumukas ang elevator. Inakay naman ako nito na alam na alam kung saan naroon ang unit ko.
Mapait akong napangiti na nagpatianod lang dito. Sigurado akong bahagi siya ng nabura sa ala-ala ko. Pero bakit walang nagsabi sa akin na may isang tao akong nakakalimutan? Bakit hindi tinukoy nila Mommy ang tungkol kay Raiden?
Pinagmukha nila akong tanga sa loob ng isang taon. Paulit-ulit ko naman silang natatanong kung may iba o bago ba akong naging kaibigan. Dahil dama ko sa puso ko na may pinangungulilahan ito. Na may malaking puwang sa puso ko at hinahanap-hanap no'n ang taong 'yon. Pero kahit pigain ko ang braincells ko ay hindi ko maalala kung sino ito.
Maliban na lamang sa lalakeng laman lagi ng panaginip ko. N
