> NATE’S POV
HALOS ILANG ORAS na, nakaupo lang ako sa kama at nakasandal sa headboard. Nang iwan ako ni Edward, ito na ang posisyon ko. Nakatingin lang ako sa kawalan. Nakatulala lang at blangko ang utak. Parang wala na akong ibang alam gawin kundi ang huminga nang malalim at magpunas ng luha. Piling ko nga naubusan na ako ng luha. Ito siguro yung sinasabi nilang, wala na akong mailuluha pa? Kagaguhan na di ko inakalang mararanasan ko.
Pumasok si manang Grace dala ang tray na may lugaw. Sinabi kong wala akong gana kumain pero nagpumilit siya at nagpaluto ng lugaw para sa ‘kin. Naupo siya sa tabi ko sa gilid ng kama at ang talim niya makatingin. Ganyan talaga siya kapag nakukulitan sa ‘kin. Mas estrikto pa siya kaysa kay mama. Nilapag niya sa harap ko ang bed tray na may lugaw a
