Isang linggo ang lumipas na hindi ko nakita si Charlie. Hindi siya umuuwi ng mansion. Ang sabi ni Claude ay pumapasok naman daw araw-araw sa opisina pero hindi daw niya alam kung saan ito umuuwi para magpahinga.
Hindi rin daw sila nagkakausap dahil halatang iniiwasan daw siya ng kanyang kapatid. Kung may mga kailangan daw na pag-usapan tungkol sa negosyo ay idinadaan na lang daw ito sa ibang tao.
Pinadadalhan ko naman ng pera si Nanay sa tulong ni Claude pero kailangan na itong malaman ni Charlie dahil nahihiya na rin ako kay Claude. Dapat ay si Charlie ang gumagawa nito at hindi ang kanyang kapatid.
***
"Helow, baby ko?"
"Mam-ma-mama-mamama." Naluha ako nang marinig ko ang cute na cute na tinig ng aking anak mula sa kabilang linya.
"Miss mo na si mama? Bukas uuwi ako. Miss na miss
