Hinanap ko ang susunod na pinto at doon ako nagtungo. Muli akong lumingon sa pinto ng aming silid ngunit napakunot ang aking noo nang hindi pa rin lumalabas doon si Charlie.
Hmp. Bahala nga siya d'yan.
Sinubukan kong pihitin ang seradura ng pinto na nasa aking harapan. Nasa hilera lang ito ng aming silid. Tumanaw pa ako sa hallway at may ilang pinto pa akong nakita doon. Para kanino naman kaya ang mga iyon? Eh tatlo lang naman kaming titira dito ayon sa sinabi niya kanina.
Haayst. Mamaya ko na lang itatanong sa kanya.
Tuluyan ko ng pinihit ang seradura ng pinto. Napangiti ako nang malaman kong hindi ito naka-lock. Muli akong lumingon sa pinto ng aming silid ngunit hindi ko pa rin nakita doon si Charlie.
"Charlie!" tawag ko na sa kanya ngunit wala akong narinig na sagot.
Naisipan ko
