البداية ( الجزء الثالث )

الفصل الثالث

بدايه الفصل

انا عايز احكي ليكم حكايه (كان يا مكان في قديم العصر و الزمان واحد فقير غلبان بس عنده موهبه انه يفهم العصفوره بتاعته في يوم نسي باب قفص العصفوره مفتوح فا طارت العصفوره و شافت حاجات كتير شافت طفل صغير واقف على باب قصر السلطان بيبكي علشان اخده امه غصب تتجوز السلطان حزن عليه و مشي وقف في حته فوق شجره و شاف تحتها واحده ست بتدفن ابنه وهو حي و بتقول (معلش يا حبيبي لو انتا مش من حرام كنت سبتك) منظر ب*ع محبش يشوفه و مشي طار بعيد بعيد عن المنطقه دي في المدينه و وقف جنب شباك بيت و سمع ناس قاعده تسكر و تعربد مع ستات و اتنين قامه اتخنقه على واحده فا الاول قتل التاني و قال (انا فلاً ابن فلاً ابن فلاً من يعرف عشيرته فل يرسلهم إلي ابي لكي يدفع لهم مال بدل من موتهم) زعلت اكتر فا طارت ابعد و ابعد لحد ما شافت حاجات كتير في المدينه عرفت حاجات كتير وحشه عنهم كل الي شافته عرفتها ان نار حبس القفص ارحم من الناس و رجعت لي بيت صاحبها و دخلت القفص بنفسها سألها صاحبها ليه رجعتي فا ردت عليه(الناس وحشين شوفت كتير منهم و عرفت اني القفص ارحم ليا من شرهم ) قام صاحبها و ساب باب القفص مفتوح علشان عرف ان العصفور مش ها يطير تاني سألته العصفوره (هو اسم المدينه دي ايه) رد صاحبها (اسمها المدينه الفاضله)

(من كتاب جون ملكين الكاتب الانجليزي اسم الكتاب كوميديا سوداء)

بدايه الفصل

تاني يوم صحي جمال و راح الشغل بعد شويه جاله تلفون فا طلع على الجامعه بتاعت فريده و وقف في الجراج شويه ولع سيجاره

جمال : باسل باسل؟

باسل : (كان لسه راكن نزل و خلع الخوزه) ايوه انا مين حضرتك

جمال : ايوه انا المقدم جمال مباحث

باسل : اهلاً و سهلاً يا فندم حضرتك بتنادم خير

جمال : انتا عندك متوسكل ريس ارقامه. ****

باسل : ايوه ليه

جمال : الريس ده اشترك في محاوله اغتيال ليا من يومين

باسل : (طلع المحفظه و جاب منها ورقه) اتفضل ده رقم محضر انا عامله بضياع الريس بتاعي (مد ايده بالورقه)

جمال : انا عارف بموضوع المحضر بس عايز اعرف لو حد كلمك و طلب فلوس مقابل انه يرجعه

باسل : لا الصراحه محصلش

جمال : تمام يا باسل شكرا

باسل : لا الشكر لي حضرتك و اسلوبك الجيد كان ممكن تبعت تجبني ميري

جمال : كده احسن انتا طالب في جامعه كبير و مش عايز شوشره علي سمعتك انتا شاب

باسل : مش بقول لحضرتك انك زوق شكرا يا جمال بيه

جمال : بس لو حد كلمك يا ريت تروح تبلغ علشان المشاكل

باسل : طبعا يا فندم

مشي جمال و طلع جاب بوكيه ورد شيك جدا و راح عماره في ميدان عابدين ركن و طلع الدور الثالث خبط على الشقه فتحتله ست كبيره و لبسه لبس بيت

ست : ايوه مين حضرتك

جمال : انا جمال المحمدي جاي لي رنا باشا

ست : طيب ثانيه واحده (رجعت الباب شويه و رجعت رنا)

رنا : جمال انتا بتعمل ايه هنا

جمال : ايه انتو بتعمله الضيوف كده وله ايه

منصور : (من جوه) لا طبعا اتفضل يا جمال بيه

رنا : (فتحت الباب تدخله) اتفضل

قعده في الصالون

منصور : تشرب ايه يا جمال

جمال : رغم اني حضرتك رفضت واجب الضيافه عندي بس انا مش ها رد ليك الضيافه اشرب قهوه مظبوط

منصور : قهوه يا ام رنا

جمال : اولا تسمح ليا اعتذر لي رنا باشا

منصور : (هز راسه بايوه)

جمال : (كلم رنا) رنا انا اسف جدا اني السبب في مشاكل في شغلك انا كنت اناني و فكرت في نفسي بس انا اسف جدا

منصور : بما انك قولت اولا يبقي في ثانيا

جمال : ثانين في الملف ده (ادي الملف لي رنا)

رنا : (فتحت الملف و قرت الورقه الي فيه و عطت الملف لي ابوها)

منصور : (قري الملف و استغراب) ايه ده

جمال : ده قرار من الوزير برجوع رنا باشا لي الخدمه تاني و معاه اعتذار من مكتبه و كمان مكتب مدير الامن تقدري ترجعي شغلك تاني من بكره

منصور : (استغرب جدا أصله لواء في الدخليه بس مقدرش يرجعها تاني كل الي قدر يعمله انه يوقف موضوع المحكمه العسكريه بمقابل انها تقدم استقاله) انتا عملت كده ازي

جمال : استخدمت علاقات العيله و القرايب الي في الدخليه اهو يعمله حاجه بدل ما هما محسوبين علينا كده و خلاص دي اقل كلمه اسف ممكن اقولها تقدري ترجعي الشغل تاني

رنا : و مين قال اني هارجع تاني لا

منصور : ليه بس يا بنتي

رنا : الدخليه معملتش اعتبار لي سنين الخدمه بتاعت حضرتك و ماما و كمان الحاجات الكتير الي انا عملتها في شغلي و في اول مره انفذ القانون بره الكتاب اترفد لا انا مستحيل ارجع لي مكان رمي تعبي و تعب ابويا و سنين الخدمه بطول دراعه

منصور : بصي يا بنتي اسمعيها من واحد قضي سنين عمره في الخدمه الميري ملهوش عزيز او غالي كله واحد الميري صعب

جمال : عندك حق يا باشا

رنا : مستحيل ارجع انا عندي كرامه

جمال : بصي يا رنا انتي معاكي الورق اهو تقدري تقدميه في شؤون الضباط و لو مش عايزه براحتك

منصور : انتا عداك العيب في دي

جمال : (قام و قفل زار البدله) استأذنكم

منصور : ليه انتا لسه واصل

جمال : مره تانيه يا باشا عندي شغل متأخر

منصور : طيب يا ابني شرفت

مشي جمال و راح الشركه

في مشهد اخر

فريده خلصت المحاضرات و يمني كانت غايبه و مشت الحرس كلهم علشان ترجع براحتها و راح الكافتيريا شافت احمد و باسل

فريده : (مبتسمه) صباح الخير يا جماعه

احمد : صباح النور يا فريده ايه البومه مجتش

فريده : نشفت دماغها

احمد : معلش دماغها عايزه تت**ر

فريده : بطل رخامه على اختك قوله حاجه يا باسل

باسل : (بملامح وش فاتره غير المعتاد منه على البشاشه و الابتسامه) قولت كتير

فريده : (استغرب من المعامله) ايه انتو سهرانين من امبارح

احمد : لا ليه

فريده : طيب ماله باسل وشه قالب ليه

باسل : (رد بق*ف) و انتي يخصك في ايه

فريده : (اتحرجت من الكلمه و اسلوبه) اه اسفه بعد اذنكم

قامت فريده و مشيت

احمد : انتا اسلوبك معاها واحش كده ليه مش معتاد منك

باسل : علشان مش بحب الي بيحوره

احمد : يحوره!!!! ازي يعني

باسل : مش بحب الي تمشي بدور الشرف

احمد : انتا بتقول ايه و بتتكلم عن مين

باسل : عن فريده هو في غيرها كان هنا

احمد : لا فهمني اكتر

باسل : افهمك ايه دي واحده ماشيه شمال

احمد : ماشيه شمال ازاي فهمني برده

باسل : على قصتها هيا و صداح

احمد : اممم تمام انتا عارف مين صداح

باسل : عيل كتله شحوم متحركه و هيا كانت خدامه السرير بتاعه جايه تسوق عليه الدلع المشكله اني أدخلت

احمد : (الكلام بتاع باسل مش راكب في دماغه) طيب يا باسل بص قصه صداح دي انا اعرفها صداح واد معانا هنا في الجامعه و بينام مع البنات بالفلوس يعني مره دفع لي واحده 100 الف دولار علشان ينام معاها فريده طول عمرها بتصده علشان هيا واحده مش محتاجه لي فلوس تقوم تعمل حاجه زي دي انا اعرف فريده كويس جدا واضحه و ص**حه و جد ملهاش في العوج

باسل : بس الحرس عمله تقرير عنها و ادوه لي امي و هيا قالتلي

احمد : طيب انتا شوفت التقرير ده

باسل : لا

احمد : طيب يا باسل انتا كنت على علاقه مع درين و انا و انتا عارفين درين كانت بتشرب ايه كويس جدا غير البارات و الكازينوهات الي بتروحها عمر امك قالت تقرير الحرس و الكلام ده اشمعنا دلوقتي بص يا باسل انا اعرفك من الطفوله كنا مدرسه واحده و كل حاجه و انا اعرف فريده من خمس او ست سنين بس بقولك اهو انا اعرفها كويس و ملهاش في الكلام ده

باسل : انا مليش دعوه بالكلام ده انا بعرفك انتا كمان علشان تبعد اختك عنها سلام

طلع باسا ركب الريس و اتحرك و هو في السكه لقي عربيه فريده واقفه في السكه و حوليها رجاله كتير كمل طريقه زي ما هو و قال انه مش ها يعمل مشاكل بسبب واحده سمعتها واحشه بس بعدها بكم خطوه رجع و داس على زرار في الريس بتاعه و رجع تاني و دخل وسط الديره دي بالمتوسكل بتاعه

صداح : وفرت عليا تعب التدوير عليك و جيت برجلك

باسل : (وقف الريس في نص الديره و نزل ببرود ولع سيجاره و سند على كبوت عربيه فريده) و اديني اهو

صداح : ادينا اتقابلنا تاني

باسل : و بعدين اصل اتقابلنا تاني و برده كفت الميزان ميله ليا انا

صداح : بص حواليك كويس انتا واقف قدامي بس انا معايا جيش رجاله و حصانه دوليه تمنعك تقرب مني

باسل : ع**ط ده جيش من ر**ع شريه بفلوس لكن انتا على ارضي في بلدي و البلد بلدي و انا ابن البلد

دخلت عربيات من كل ناحيه هما مرافقه مع باسل في السر الزرار الي داس عليه في الريس ده جرس انذار ليهم علشان يدخله دخلت العربيات دخله دراميه جدا و نزلت الرجاله و رافعين سلاحهم بس عددهم كبير

باسل : نصيحه خليهم يسلمه السلاح علشان محدش يموت

صداح : (بص حوليه لقي نفسه مع عشر رجاله وسط خمسه و عشرين راجل مع باسل ) نزله سلاحكم

الرجاله نزلت سلاحها

باسل : (مشي علي صداح بثبات وقف قدامه) فاكر انا حذرتك من ايه

صداح : (ريقه نشف من الخوف) فاكر

باسل : وانا كمان فاكر انا قولت لو قربت منها او من يمني ها بعتك في صندوق لي العيله الكريمه صح

صداح : (عرق جامد و هز دماغه بايوه)

باسل : طيب انا ها كون رحيم معاك المره دي بس و اد*ك شوفت انتا على ارضي وسط ناسي واد*ك عرفت انتا بتتعامل مع مين خليك حكيم المره الجيه (طبطب على كتفه) تقدر تروح يله

مشت الرجاله مع صداح و واحد اسمه سامح سامح راجل كبير في السن بي جسمه مشدود و راجل صعب جدا كان قائد الحرس لي ابوه باسل قبل ما يموت و بعد موته بقي المسؤول عن المرافقه الي مع باسل

سامح : باسل

باسل : عارف عربيات تبع السفاره و رجاله غريبه شكلهم تبع السفاره برده

سامح : ابلغ الهانم

باسل : لا انا ها تصرف

فريده : (نزلت من العربيه و عنيها حمره من العياط) باسل

باسل : (ركب الريس) روحي يا فريده

فريده : (رايحه ليه) باسل انا عايزه

سامح : (وقف في طرقها)

باسل : (باصص قدامه و الي هو بعيد عن فريده) روحي يا فريده بعد اذنك (مد ايده تحت الريس و طلع جهاز صغير جهاز تتبع و عطاه لي سامح) عم سامح امسك و نبه على الحرس محدش يقول حاجه

سامح : (مسك الجهاز) اوصلك ازاي

باسل : متقلقش عليا

مشي باسل و فريده بصه ليه و مش فاهمه

سامح : انسه فريده تحبي اوصلك

فريده : لا شكرا انا عارفه سكتي

اتحركت فريده على البيت دخلت بس بعد ما ظبط وشها من الدموع دخلت عادي جدا

اصول : ايه يا قمر عامله ايه

فريده : كويسه يا ماما

اصول : صوتك مش عجبني

فريده : مش عارف مرهقه شويه من الدراسه

اصول : بلاش تضغطي على نفسك مش لازم تقدير السنه دي

فريده : لا لازم تقدير علشان بابا بيحب اجيب تقدير

اصول : ماشي يا حبيبتي

قامت فريده طلعت الاوضه بتاعتها غيرت لبسها و قعدت شويه سرحانه في الي حصل النهارده معاها و هيا مساكه الكتاب مش عارفه تذاكر و مش عارفه تسيبه بتفوق بس على صوت امها تعالي اتغدي بس بترد انها مش فاضيه نامت من كتر التفكير و صحيت تاني يوم بدري بس منزلتش الجامعه و فضلت قاعده و تلفونها رن

فريده : الو

شخص : الو الانسه فريده

فريده : ايوه انا مين معايا

شخص : انتي فين

فريده : نعم انتا مين و بتسأل ليه و جبت رقمي منين

شخص : بس بس بس هو انا موعود بالرطاطين انا باسل يا ستي

فريده : باسل

باسل : ايوه انتي فين كده

فريده : في البيت ليه

باسل : انا كنت عايز اعدي عليكي

فريده : تعدي فين

باسل : عليكي في البيت

فريده : انتا مجنون و شكلك شارب

باسل : لا انا فايق عشر دقيق و اجيلك سلام

قفل معاها و فريده عماله تروح و تيجي مش عارفه تفكر و له تعرف هو جي ليه و بترن على يمني مش بترد وله احمد اخوها و امهم تلفونها مقفول غيرت لبس النوم و نزلت تحت امها و اخوها مش موجودين طلعت بره الجنينه الي قدام البيت لقت امها مع عمتها مروه في الجنينه

مروه : خلاص يا اصول مايبقاش قلبك اسود. كده

اصول : اسود ايه يا مروه عادي يعني الي عملته

مروه: لا مش عادي بس فكر فيها جمال ابنها الوحيد و انتي عارفه انها مش ها تخلف بعده تاني

اصول : يعني انا الي ها خلف بعد يوسف تاني انا كبرت

فريده : صباح الخير

مروه : صباح الخير يا قلب عمته ايه الحلاوه دي كلها على الصبح

فريده : طلعه لي عمتي القمر

مروه :طيب اقعدي

لسه ها تقعد لقت البوابه بتاعت القصر اتفتحت و دخل باسل

اصول : ايه ده هما فتحه البوابه ليه و مين ده

مروه (باحراج) ده باسل

أصول : ايوه بيبيع ايه ده

فريده : ده معايا في الجامعه.

اصول : طيب جاي ليه ده روحي شوفي

راحت فريده لي باسل و هو لسه راكب

باسل : صباح الخير بصي كنت عايز اقول اسف على التطفل بس لا انا رخم اساساً

فريده : انتا جاي ليه اساساً و عرفت عنوان البيت منين

باسل : دي طريقه تعملي بيها ضيف على العموم ماشي يا ستي مقبوله منك انا جي اعتذر عن اسلوبي معاكي امبارح انا كنت بايخ بس كان عندي شويه مشاكل في البيت مع الحاجه و انتي جيتي في وقت غلط في اسف

فريده : اسف ليه انتا اتعملت معايا باسلوب بايخ و قولت كلام بايخ

باسل : انا عارف و لما حسيت اني عكيت الدنيا جي اعتذر

فريده : تعتذر ليه

باسل : علشان انتي مش بنت عاديه يا فريده انتي بنت طيبه و جدعه و انا كنت متفق مع نفسي اني مدخلش في مشاكل بس لما شوفت الموقف الي حصل امبارح مقدرتش اعدي و امشي عادي

فريده : (خدت نفس عميق عايزه تستوعب كلامه) انا مش فاهمه

باسل : بصي يا فريده انا راجع اعتذر و ده شيء مش من طبيعتي بس انا اسف انا كنت غلط

فريده : (فكرت شويه) ماشي يا باسل

باسل : (بص وراها) مش تعرفيني على مامتك و عمتك

فريده : و انتا عرفت منين انهم ماما و عمتي

باسل : صورك معاهم على الفيس بوك

فريده : طيب انزل

نزل باسل و اخدته فريده

فريده : ماما احب عرفك على باسل زميل دراسه

اصول : (بصت لي مروه و ابتسامه) اهلا يا باسل

فريده : دي عمتي مروه

باسل : اتشرفنا

مروه : اقعد يا حبيبي وقف ليه

باسل : (قعد) شكرا

اصول : تشرب ايه

باسل : مش عايز اتعبكم

اصول : لا وله تعب وله حاجه تشرب ايه

باسل : قهوه مظبوط

أصول : فريده ادخلي اعملي القهوه (بتغمز بعنيها الشمال علشان باسل ميخدش باله)

فريده : (وشها احمر و عينها وسعت و راحت تعمل القهوه)

مروه : قولي يا باسب انتا تعرف فريده منين

باسل : دي حكايه طويله شويه

اصول : طيب احكي

باسل : (حكي عن موقف القتل اول مره يتقبله بس محبش يجيب سيره موضوع صداح خالص) بس

اصول : بجد يا باسل شكرا على وقفتك مع فريده لوله وجودك كان زمانها ضاعت مني

فريده : القهوه

باسل : (اخد الفنجان من على الصنيه و ابتسم ليها)شكرا

مروه : (كتمت الابتسامه هيا و أصول)

فريده : (قعدت و هيا م**وفه)

اصول : باسل لسه حكي لي عن وقفته معاكي

فريده : (ارتبكت علشان هيا محكتش عن موضوع صداح) ها امته

باسل : ساعت المستشفي و الجبس

فريده : اه ايوه انا كل ما اشوفه اشكره

باسل : بلاش يا جماعه الكلام ده اي حد مكاني كان عمل كده

مروه : لا يا باسل مش اي حد لو حد تاني مكانك كان مشي

اصول : بس كويس انه طلع انتا انا بقي عايزه اتعرف علي ماما علشان اشكرها لسه حد بيربي بالطريقه دي

باسل : لا حضرتك مش ها تحبي تتعرفي على ماما خالص مش قاصد حاجه لا بس هيا صعبه شويه

اصول : طبعا الي تربي راجل محترم و عارف الصح و الغلط و يقف مع الناس حتي لو ميعرفهمش اكيد ست صعبه و شديده

باسل : (اه لو عرفتي اني أمي كانت عايزني امشي و اسيب بنتك) طبعا يا طنط هيا تتشرف (قام) استأذن انا

مروه : بس انا معرفتش اسمك ايه غير باسل

باسل : ال**دي باسل باسل ال**دي

مشي و فريده وصله ركب و مشي و مروه مصدومه

اصول : (فريده واقفه بعيد كلمت مروه) عريس

مروه : (بصت ليها بخضه) لا طبعا

أصول : تراهني

مروه : انا طول عمري بخسر الرهان معاكي بس ماشي نراهن (اتمني اني ا**ب المره دي)

اصول : لو انا **بت الرهان ساعت الخطوبه تلبسي فستان من ت**يمي طلع حلو طلع وحش مليش فيه

مروه : ماشي بس لو انا **بت اخد عقد تيته أصول اسبوع

اصول : ماشي

فريده : (رجعت و قعدت)

أصول : قوليلي يا فريده باسل منين

فريده : من الصعيد من عيله ال**دي في المنيا

اصول : صعيدي هو ابوه شغال ايه وله هو شغال ايه

فريده : انا عرفت اني ابوه متوفي و يمني بتحكي عنه و عن حياته هو اخ على اربع بنات و ابوه كان راجل اعمال و امه ماسكه الشغل بعد ابوه

اصول : امه شكلها ست عمليه بس ابوه غريب يعني اسمه عدي عليا قبل كده باسل ال**دي مش عارفه ممكن يكون ابوكي يعرفه

اتفتحت البوابه و دخل جمال و نزل من العربيه راح ليهم

اصول : ايه يا جيمي عامل ايه

جمال : جيمي انتي مزاجك رايق النهارده

اصول : اوي اوي

قامه دخله يتغده

في مشهد اخر

البيت عند علي قعده يتغده

باسل : ماما ست الكل

سندي : مش بعاده يعني عايز ايه

باسل : لا بس انا محضرلك مفاجأة حلوه بعد الغذا

مني : طيب مفيش مفاجأة ليا انا كمان

باسل : انا اقدر انسي مني هانم الديب دي تبقي مشكله (طلع علبه ساعه و حطها قدمها)

مني : (فتحت العلبه كان فيها ساعه رول**) او رول** لا زوقك حلو كا العاده

سندي : رول** وجبت منين فلوس

باسل : انا فتحت حساب في البنك

سندي : فتحت حساب في البنك ازاي يعني انتا عندك حساب

باسل : لا حساب غير الي انتي مجمده

سندي : و جبت فلوس منين

باسل : انا ها قولك بما اني امتلك مجموعه مصانع ال**دي و انتي بتديري كل حاجه فا ليا الحق اني اخد فلوس علشان اشتري عربيه بصفتي رئيس مجلس اداره سحبت الفلوس و رحت اشتريت عربيه

سندي : (بصه لي باسل بنصر علشان مشت كلامها عليه) جدع

باسل : (بص لي امه ببرود) طيب سبيني اكمل كلامي انا سحبت الفلوس و اشتريت العربيه و بعد كده بعتها تاني خسرت 10 الف جنيه بس مش مهم الفلوس دي حطتها في البنك باسم تيته ناجيه

سندي : (بغيظ) و رجعتها ليه ها فيها ايه لو كنت سبتها

باسل : (ببرود) اسبها ليه عندي جراج مليان عربيات اشتري واحده جديده ليه وقفتي اكل ليه كملي علشان تشوفي المفاجأة يله بسرعه يله

خلصت سندي الاكل و علي غمي عنيها و طلع بيها بره القصر و خدها على اوضه هيا مخزن فيه حاجات مش مهمه كان مربوط فيها الحارس الي عرف امه انه يعرف فريده

سندي : (بخضه) ايه ده

باسل : ده ده وله حاجه ايه وشه مليان دم عادي

سندي : فكه يا زفت

باسل : (كلم الحارس) قولي انتا هنا في خدمه مين

حارس : في خدمه باسل باسل جلال راضي ال**دي

باسل : يعني مش امي صح(كلم امه) كنتي فكره اني ها سمع كلامك عن فريده و اشتري خلاص صح بس الاسف العرق دساس و لزم اعرف اصل كل حكايه ايه (طلع خنجر من جنبه)

سندي : ها تعمل ايه يا مجنون

باسل : (قطع الحبل الي مربوط به الحارس) معلش امي كذبت و انتا دفعت الثمن (كلم امه) ذنبه في رقبتك

طلع باسل بره و لقي امام قاعد قدام سلم القصر و ملوع سيجاره (امام من الحرس الي كانو مع ابو علي هو ز**ي و شعره ابيض و عليه تجعيد في الوش بس لسه جسمه مشدود متخنش)

باسل : عم امام قاعد كده

امام : قاعد مستنيك

باسل : (قعد جنبه على السلم) خير

أمام : فاكر يا باسل اول مشكله بيني و بينك هنا ساعت ما زوغت مني و رحت تقابل صحبتك

باسل : كأنه امبارح

امام : سعتها ابوك قال ايه قال الناس دي ممكن في لحظه يموت علشان انتا تعيش

باسل : كأنه امبارح فعلاً بس ايه فكرك بالموضوع ده

امام : ايه الي انتا عمله في خميس ده

باسل : خميس مين

امام : الي نزلت فيه ض*ب و ربطه

باسل : عم امام هو غلط

امام : طيب بعد ازنك يا باسل بيه ممكن اعرف غلط في ايه (قالها برسمه)

باسل : (استغرب من الرسميه) هو انا ليه حاسس انك بتتكلم برسميه

أمام : علشان انا قلبتها واحد و صاحب الشغل بتاعه لزم اتكلم برسميه

باسل : ليه ده كله

أمام : علشان انتا مش ها تفضل بتدرس كتير وله الهانم ها تفضل ماسكه الشغل ها يجي يوم و تمسك انتا مكنها و لزم يكون معاك ناس تخاف عليك انتا فاكر يا باسل ساعت الجنازه بتاعت ابوه كان المفروض الحراسه تترفع قررت انا و سامح اني احنا نقعد مش علشان الفلوس وله اني ابوك كان بيدينا اعلي مرتب لا علشان كنا بنحب ابوك كانه اخونا علشان ابوك كان ليه اعداء كتير ممكن يستغله انه مش موجود و يعمله حجت كتير و انتا عارف ابوك كان ليه اعداء

باسل : اعداء بس ده كان معادي الخلق كلهم

امام : بلاش ت**ب عداوه رجالتك ا**ب محبتهم ممكن يكون كلامي مش على مزاجك بس ده الواقع

باسل : مش على مزاجي ازي انتا كلامك صح كله انا الغلط بس هو ليه يعمل حوار زي ده و يقول الكلام ده و لما اسأله الهانم و دي اومرها

امام : عايزه يقول ايه خاف على اكل عيشه بس هو غلط و انتا رديت الغلط بغلط قولي صحيح انتا اختفيت فين امبارح و راجع بليل

باسل : عادي مش اول مره

امام : بس دي اول مره تشيل جهاز التتبع و تلفونك يختفي من على الشبكه

باسل : كنت محتاج اقعد مع نفسي شويه

امام : ماشي بس مسيري هاعرف بتروح فين

باسل : طيب

طلع باسل البيت

في مشهد اخر

فياض و عثمان قاعدين مع بعض في فيلا عند عثمان

عثمان : انا قولتلك بلاش اد*ك شوفت اتعرفت

فياض : (بص لي عثمان بشك) الموضوع ده يعرفه اتنين انا و انتا جمال عرف منين

عثمان : زي ابوه فاكر ابوه كان بيطلع في احلامنا

فياض : (بص لي ايده الي كانت ها تتقطع) و ديني لي اقتلها انا اخرج بره اللعبه بسبب العيل ده

عثمان : كويس اني احنا طلعنا كملين مش نقصين

فياض : بس انا ها جيب حقي

عثمان : حقك من ايه

فياض : (بياخد نفس من السيجار بتاعه) مش نفسك تبقي مكان الهانم

عثمان : لا هيا واحده و انا واحد

فياض : انا مش بهزر على فكره

عثمان : وله انا مينفعش

فياض : فكر فيها بس

عثمان : افكر في ايه لا طبعا انتا عارف الهانم دي تبقي مين وله كانت مرات مين وله واخده المكان ده من امته

فياض : اد*ك قولت كانت مرات مين و مات

عثمان : انتا عارف بعد موت البعبع كان ليه اعداء كتير في الحكومه و ناس وصله جدا اص*ره قرار بوضع المصانع بتعته تحت الحراسه و مجلس وصايه لي ابنه و يكون الواصي من مجلس الاداره عارف ايه الي حصل

فياض : ايه

عثمان : تصحي الحكومه على خبر اغتيال مجلس اداره المصانع و كمان اتناشر مستشار و قاضي في مجلس الدوله تخيل رد فعل رايس الوزراء ايه

فياض : ايه

عثمان : عمل تكريم لي جوزها علشان مجهوداته و مجهود المصانع بتعته في توريد الحديد لي مشاريع الدوله حد تاني غيرها كان طلع ليها امر تصفيه من الحكومه تقولي انا اخلعها ازي

فياض : بص فكر فيها وافق و انا اعمل كل حاجه

عثمان : طيب ما تعملها انتا و تبقي مكانها

فياض : بص انتا تبقي الكبير و انا الصغير علشان الي في النص ميلقيش حد يلجأ ليه غير انا او انتا و انا و انتا واحد

عثمان : بطل هبل في كلامك

فياض : انا مش بقول هبل وله اي كلام وله انا سكران وافق انتا بس

عثمان : (بيشرب كاس. الخمره الي في ايده و يسكت شويه) ماشي بس تتعمل ازي

فياض : مش مهم تعرف دلوقتي

عثمان : لا لو احنا مع بعض يبقي أعرف

فياض : تمام (عرف عثمان هو بيفكر في ايه) ايه رايك

عثمان : (خاف شويه) بلاش

فياض : جمد قلبك و بعدين بعد ما نخلص حلال عليك بيت الرعب (المكتب بتاع الهانم و البعبع) تقعد فيه و تبقي الملك تبقي البعبع الجديد و اد*ك شوفت البعبع كان بيعمل ايه اد*ك شوفت بعد موته الناس بتعمله الف حساب

فياض قعد ينفخ في عثمان لحد ما عثمان كيفه الي ها يتعمل و عجبه و وافق مكنش يعرف فياض بيفكر في ايه في دماغه

يتبع.....

# # # # # # # # # # # # # # # # # # #