البداية ( الجزء الثالث )

الفصل الرابع

في سأل ديما يسأله و انا قاعد علي الكرسي هل كل افعالي و انا قاعد عليه مني انا وله منه هو اصل الكرسي ليه سحر غريب عجيب يخليك تأمر و تتحكم و تبقي شايف انك صح مش غلط ده علشان لما تكون قاعد عليه بتشوف الحاجات بآمور و نظره تانيه خالص بتشوف اتفه المشاكل كبير عيبه الوحيد انه يخليك فاكر انك قاعد عليه على طول يخليك فاكر انك هنا على طول و مش ماشي و سعتها تحتار هو مين الي بيحكم انتا وله الكرسي

بدايه الفصل

صحي جمال بدري و نزل الشركه دخل

جمال : صباح الخير يا جيهان

جيهان : صباح النور يا جمال

جمال : البوسطه و اي ورق متأخر و بلغي مجلس اداره مصانع الديب اني في اجتماع النهارده

جيهان : حصل

جمال : انتي ها تتجوزي امته

جيهان : كمان شهر في الانسه رنا منصور طلبه تشوفك

جمال: بجد رنا طيب هيا فين

جيهان : قاعده اهي

جمال : (شاف رنا قاعد على كرسي في الانتظار رحلها) اتمني تكون القهوه عجبت حضرتك يا فندم

رنا : يعني مش اد كده

جمال : (ابتسم) عامله ايه

رنا : تمام

جمال : جيهان اجلي اجتماع شركه الديب

جيهان : طيب

جمال : تعالي يا رنا

اخد رنا و دخله المكتب و قعده

رنا : انا جايه من غير معاد فا اسفه لو معطلاك

جمال : انتي تيجي في اي معاد يا رنا

رنا : شكرا بس لو ممكن اطلب منك خدمه

جمال : اي حاجه انتي تامري

رنا : بص انا مش ها ت**ف منك انا جيا و طالبه شغل لو في

جمال: (بص لي رنا شويه) انتي جيتي في وقتك

رنا : اشمعنا

جمال : هو في شغل بس مش عارف ممكن يعجبك وله لا

رنا : هو في شغل مش ها يعجب انا عايزه الشغل علشان زهقت من البيت

جمال : طيب بصي جيهان ها تتجوز كمان شهرين و جوزها مش عايزها تشتغل بعد الجواز لو ممكن و انتي تقبلي تكوني السكرتيره مكانها ده لو ينفع

رنا : (فكرن شويه بس بستعباط) سكرتير طيب سؤال انا كا سكرتيره هجيب قهوه و شاي وله لا

جمال : انا عايز سكرتيره مش بوفيه

رنا : هفكر

جمال : فكري براحتك و قرري لو موافقه ماشي لو شايفه ان الشغل مش مناسب ليكي قولي عادي جدا و بدراسه الحقوق تنزلي الشؤون القانونيه

رنا : طيب ها شوف و ارد عليك

جمال : ماشي

في مشهد اخر

البيت عند باسل صحي بدري و نزل الجراج اخد عربيه بدل الريس و طلع رح البيت عند فريده و رن عليها

فريده : (بصوت باين فيه النوم) مين

باسل : ايه ده ازاي متسجليش رقمي يا هانم

فريده : ايوه انتا مين اساسا علشان اسجل رقمك

باسل : انا باسل يا فريده

فريده : و عايز ايه على الصبح

باسل : البسي و انزلي

فريده : انزل فين

باسل : بره السور انا واقف يله

فريده : الساعه 7 انزل ليه

باسل : علشان الجامعه يله بسرعه

فريده : يا نهار اسود عندي محاضره الساعه 8 و نصف

باسل : شوفتي لوله انا كان زمنها ضاعت عليكي يله بسرعه قومي

قفل معاها و بعدها نصف ساعه طلعن فريده بره السور علي كان واقف بره العربيه

فريده: صباح الخير

باسل : واقف من نصف ساعه علي فكره

فريده : كنت بلبس

باسل : في نصف ساعه ازي انا بلبس في 10 دقايق

فريده : البنات غير الصبيان

باسل :طيب اركبي

فريده : (بصت لي العربيه المرسيدس) جبتها منين دي

باسل : دي بتاعت بابا يله راكبي

فريده : طيب

ركبت فريده معاه و هما مشين داست على زرار تعلي الصوت لقت يد طلعت من الباب جنبها و فيها مسدس

فريده : ايه ده

باسل : (بص لي المسدس) ايه ده

فريده : عربيه امي علشان اعرف

باسل : (قفل اليد و رجع المسدس مكانه)

فريده : ده عادي يعني مسدس يطلع و مفيش اي رأكشن

باسل : اعمل ايه عربيه ابويا

فريده : يعني عربيه ابوك عادي يكون فيها مسدس

باسل : ايوه عادي. ده بابا يعني توقعي اي حاجه

فريده : اتوقع اشوف مسدس بس طالع من حته زي دي لا غريب

باسل : هو ابويا كان مجنون شويه

فريده : طيب مخبيه ليه

باسل : احتياطي

فريده : ابوك غريب هو شبهك كده

باسل :في الشكل لا واخد عنيه و بصته بس

فريده : غريب شويه

باسل : يابنتي ابويا ده مش غريب شويه لا كتير

فريده : ازي

باسل : يعني انتي مستغربه من مكان المسدس صح

فريده : ايوه جدا

باسل : طيب انتي عارفه يوم وفاته كان لبس خلعوه الجلبيه علشان الغسل تخيلي كان معاه ايه

فريده : ايه

باسل : كان لبس حزام مسدسه العادي و في رجله اليمن مسدس صغير و واحد تاني زيه في رجله التانيه غير اربع خزنات مسدس و رصاص و الجلبيه نفسها من جوه عند الجيب اربع سكاكين صغيرة و خنجر كبير

فريده : يا نهار اسود انتا ابوك كان خط الصعيد وله راجل اعمال

باسل : انتي بجد عمرك ما سمعتي عن ابويا

فريده : خالص

باسل : يعني عمرك سمعتي عن باسل ال**دي خالص

فريده : وله سمعت عنه في قناه طبق اليوم حتي

باسل : انتي بتهزري

فريده : لا بجد عمري ما سمعت عنه خالص

باسل : طيب ( باسل فرح انها متعرفش تاريخ ابوه مش بيستعر منه لا بس تاريخه مكتوب بالدم و مش عايزها تشوفه وحش زي باقي الناس ابوه كان مجبور يعمل كل ده علشان يعيش) كويس

وصله ا****عه و باسل كان معاه ماده من سنه تانيه علشان الكليه شغاله بنظام الساعات دخلت المحاضره مع فريده ( ركزه علشان الموقف ده حصل معايا حقيقي و شوفه لو انا غلطان وله لا) دخل باسل المحاضره و كان الدكتور زيدان بيدي ماده اقتصاد دخل المحاضره و زهق من رغي امه راح نام و دي كانت اول مره ينام في محاضره و هو نايم

زيدان : (بيحكي عن مغامراته في لندن لما كان بيدرس هناك) فا قولت ليها بقولك ايه انا مصري عصب يعني ميمشيش معايا جو المرقعه ده ابوكي لو شوفته ها ض*به

مطبلاتي : (و ده تلقيه قاعد في اول مدرج علشان ينهل من علم الدكتور) هههههه المصري عصب برده

زيدان : انتا فاكر ايه يابني احنا صعايدة

مطبلاتي : بجد يا دكتور احنا مش بنتعلم من حضرتك اقتصاد دولي بس لا بتتعلم الرجوله كمان

الكل ضحك على مدي تطبيل المطبلاتي لي الدكتور باسل صحي على الصوت

باسل : يخي بطل تقل م الواحد مش عارف ينام (الباشا مكنش واخد باله ان الميك مقفول و الكل ساكت فا الدكتور سمعه)

زيدان : الحيوان الي بيشتم

المطبلاتي : (قام و بص لقي فريده بتضحك على كلام باسل ) اهو يا دكتور الحبيب الي قاعد جنب البت دي

زيدان : قوم ياض انتا

باسل : (قام و هو بيتاوب) صباح الخير نعم

زيدان : معلش صحيت حضرتك تحب اجيب الفطار لي خضرتك

باسل : شكرا يا دكتور

زيدان : ده انتا تلم هات كرنيهك بسرعه يله ادي دقني لو نجحت في الماده بتعتي تاني

باسل : (طلع راح لي الدكتور طلع الكرنيه) انا كده كده ساقط خد

زيدان : و كمان مش متربي اسمها اتفضل يا حيوان (مد ايده ياخد الكرنيه)

باسل : (سحب الكرنيه و حطه في جيبه تاني) قول اسف الاول

زيدان : اسف ايه انتا مجنون

باسل : تقول اسف على كلمه حيوان و مش متربي و مجنون اسمع اسف

زيدان : قول اسمك انطق (طلع ورقه من الشنطه بتعته)

باسل : (ببرود) باسل باسل جلال راضي ال**دي

زيدان : و مالك بتقولها بعظمه اوي كده كآنك اسمك سراج يعني

مطبلاتي : (يحب المشاكل النوع ده) او زيدان مثلا يا دكتور

باسل : (بص لي المطبلاتي بق*ف) قول اسف

زيدان : لا انتا الي ها تقول اسف لما تقعد في الماده دي طول عمرك

باسل : (لف وشه و طالع من المدرج) ده انتا شبه البطريق

الكل بيضحك طلع باسل قعد في كافتيريا الجامعه لحد ما المحاضره خلصت

فريده : ايه الي انتا عملته ده

باسل : ايه الي حصل

فريده : بجد مش عارف الدكتور حالف يرفدك

باسل : طز فيه يولع بجاز

في مشهد اخر

عثمان و فياض قاعدين مع راجل مهم اسمه اشرف

اشرف : عايزين ايه انتا بره اللعبه دلوقتي

فياض : و انتا موافق

اشرف : انا مليش اوافق الهانم عايزه كده

فياض : (باستخفاف) انتا طيب يا اشرف بجد

عثمان : انا قولتلك اشرف طيب و ها يصدق

اشرف : اصدق ايه بالظبط

عثمان : انتا عارف سبب خروجي انا و فياض ايه

اشرف : من امته و حد بيسأل

عثمان : احنا خرجنا علشان الهانم عايزه تزود نسبه جمال المحمدي لي 60٪

اشرف : نعم 60٪ ازاي

عثمان : هو طلب و الهانم وافقت علشان (و سكت)

اشرف : علشان ايه

عثمان : علشان على علاقه معاه

اشرف : نعم علاقه مع الهانم

عثمان : ايوه الهانم نامت مع جمال

اشرف : انتو بتقوله ايه ازاي

عثمان : عادي يعني الهانم ارمله من 10 سنين و اد*ك شايف لسه بطل

اشرف : بس في فرق عمر كبير بنهم

عثمان : واحده ارمله من 10 سنين اكيد عايزه شاب صغير

اشرف : (بيفكر شويه) علشان كده جمال بيتكلم بثقه مع الناس كلها

عثمان : شوفت

اشرف : طيب و بعدين

فياض : مفيش غير حل واحد بس

اشرف : قوله انا معايا ناس مش ها توافق على النسبه دي

فياض : الكبار يعرفه

اشرف : كبار ازاي كلهم بياخده اوامر من الهانم

فياض : لا انا قصدي الاكبر من الهانم سليم

عثمان : انا شايف كده

اشرف: طيب انا ها خد معاه معاد مستعجل

في مشهد اخر

سليم قاعد في مكان سري و سليم يبقي رايس الهانم و دخل عليه اشرف

سليم : اقعد

اشرف : (قعد) في مشكله

سليم : قول

اشرف : جمال المحمدي (و سكت)

سليم : و المفروض اول ما تقوى الاسم اعرف في ايه انطق انا مش فاضي

اشرف : اشمعنا جمال مكان ابوه

سليم : محدش ليه يسأل الهانم عن اختيارها و مينفعش انتا تسألني عن اختياري لي الهانم

اشرف : طيب هو في علاقه نسب او قرابه بينهم

سليم : خش في الموضوع على طول

اشرف : طيب انا سمعت ان في علاقه بين الهانم و جمال المحمدي

سليم : ايه دليلك

اشرف : طلب إيهاب زمان زياده النسبه بتاعته علشان ملفه مكلف جدا طلبه اترفض اشمعنا الهانم ها تزود نسبه جمال من النسبه بتعتنا احنا كل وسطاء

سليم : مستحيل

اشرف : مفيش مستحيل فياض و عثمان مشيو علشان رفضه ده الهانم قعدتهم في البيت و يوم ما جيه حد مكانهم كان عماد الي هو خال جمال دي صدفه

سليم : ده كلام خطير

اشرف : لو كل ده صدفه يبقي احنا عبط

سليم : طيب امشي انتا

في مشهد اخر

فريده و علي خلصه محاضرات و احمد و يمني و راحه يتغده بره

احمد : تعاله نروح المطعم عندك

باسل : لا بقولكم ايه تاكله على مزاجي

احمد : لا

يمني : ليه بس يله

احمد : لا

باسل : طيب انتا رافض و اختك موافقه نشوف راي فريده تبقي اغلبيه

فريده : خلاص نجرب

باسل : يبقي اغلبيه يله

خدهم لي مسمط في الحسين قعده

احمد : يمني و فريده مش ها يعرفه ياكله الاكل ده بلاش

شاب : طلبتكم يا بهوات

باسل :بص هت خمسه كبده ليا و زيهم طحال و نص ممبار

احمد : هت خمسه كبده ليا

يمني : خمسه كبده

باسل : (باصص لي فريده لقاها محرجه) تتطلبي ايه

فريده : (محرجه) في كوارع

باسل : اتنين شربه كوارع

فريده : (فكت) و لو طحال تبقي كده تمام

شاب : تمام عشر دقايق و يجي الاكل

مشي الشاب

يمني : ها تكلي كوارع

فريده : ايوه فيها ايه دي كوارع لو طلبت مخاصي يعني

باسل : بيعمله مخاصي

احمد : انتي بجد بتكلي الاكل ده

فريده : يابني انا امي ايوه من اسكندريه بس ابويا من أسيوط و كل حاجه في الدبيحه تتاكل

باسل : شوفت الناس الي بتفهم

احمد : لا طبعا

باسل : اسمع مني بس ده الاكل ده اطعم اكل

جيه الاكل و احمد و يمني بياكله بآنافه خالص عيال من المعادي اما شباب الصعيد بقي باسل و فريده دخله في الكوارع نسفوها خالص

فريده : (نزلت طبق الشربه) واحد تاني يا صبحي

صبحي : (بتاع المسمط) عيني يا استاذه

باسل : خليهم اتنين يا صبحي

احمد : انا عايز اقوم ارجع من شكلك و انتي بتاكلي

فريده : (اتحرجت) طيب انا قايمه اغسل ايدي

باسل : و الشوربة

فريده : لا قوله خليها واحد

باسل : طيب

قامت فريده تغسل اديها

باسل : ايه الي انتا قولته ده

احمد : فيها ايه انتا شوفت شكلها و هيا ماسكه و عماله تشد

باسل : يابني بلاش انتا ده انتا بتاكل سوشي

احمد : ماله السوشي اكله راقيه

باسل : معموله من ايه سمك ني و طحالب بحر

احمد : بس مفيد

باسل :و الكوارع كمان الكوارع تحميك من هشاشه العظام و فيها من كل معدن و فيتامين ممكن يخطر على بالك غير بقي زياده نسبه الفسفور

احمد : كل ده في الكوارع

باسل : و اكتر كمان فاكر لما جالي نقص الحديد

احمد : ايوه

باسل : كنت كل يوم اكل كبده فطار غداء عشاء في ظرف 10 ايام رجعت نسبه الحديد تاني كل ده من الكبده الاكل ده مفيد

رجعت فريده و حاسبه و راحه قعده على قهوه بلدي طلب على شيشا و عدت ست كبيره

ست : تقراء الفنجان يا بيه

احمد : شكرا يا ست

فريده : (لقتها ست فقيره و عايزه تديها فلوس) ممكن تقري الفنجان ليا

ست : من عنيا يا عروسه (اخدت الفنجان و قلبته و تمتمت بكلام مش مفهوم و عدلته)

بنت اصول و الاصل غالب ضاع منك نصك التاني و عنيكي فيها الحزن كله و فيها الفرح كله و انتي الي بتختاري طريق الحزن سهل بس مش ها تكوني سعيده لكن طريق السعاده مفروش بالشوك و انتي اختاري افتحي باب قلبك واقف عليه فارس بحصان ابيض ابن اصل و اصله غالب عنه لو دخل دنيتك لزم تدخلي دنيته و دنيته جحر تعابين اصله غالب عليه بس و انتي معاه مقوياه على كل حاجه حقك راجع و دم ونيسك راجع و مردود بس خلي بالك من الي ابوكي معديهم بالدم (قلبت الفنجان تاني و رجعته)

فريده : (طلعت فلوس و بتديها ليها) اتفضلي

ست : انا مش باخد فلوس يا بنتي انا حارس

مشت الست و باسل باصص عليها و الموقف ده فتح عنده جرح قديم جرح ابوه الي لسه ملمش

باسل : يله

يمني : يله

مشيه كلهم كل واحد رجع بيته علي دخل البيت عنده لقي امه لبسه فستان ابيض شيك جدا مطلعها عيله صغيره

باسل : ايه الحلويات دي كلها بس

سندي : بس يا واد

باسل : بس ايه ده انا لو مقولتش حاجه في حق الجمال ده ابقي عبيط

شغاله : الورد و صل يا هانم

سندي : (اخدت الورد و هيا فرحانه زي العيال الصغيره و طلعت تجري على الاوضه بتاعتها زي العيال)

باسل : الحب ولع في الضري يا سعديه

مني : بس يا واد بطل رخامه

ملك : (اخت باسل الصغيره خالص توئم كارمه) باسل ملها سندي

باسل : بصي يا ملوكه بابا قبل ما يموت اتفق مع محل ورد يبعت بوكيه ورد لي ماما و مني في عيد جوزهم كل سنه و مع الورد ده قصيده شعر من كتابه احسان عبد القدوس و مني من كتابه شاعر تاني خالص

ملك : بابا شكله كان رومنسي

مني : جدا ابوكي كان اكتر واحد حنين في الدينا دي كلها و يقف جنب الناس المحتاجه مساعده و يعمل خير كتير

بره القصر في الجنينه كانت قاعده لميتا في مكانها المخصوص و معاها واحد من الحرس اسمه شكري

شكري : بلاش يا هانم

لميتا : بلاش ايه يا شكري و بعدين بلاش كلمه هانم دي انا زي بنتك

شكري : و علشان زي بنتي بقول بلاش

لميتا : (عطته جرنال) اقراء بس

شكري : (اخد الجرنال و قرا الخبر) بلاش

لميتا : يا تقراء انتا يا اخلي حد تاني يقراء

شكري : المليارديره العمياء هل تعيش لميتا ال**دي بنت امبراطور الحديد و الملياردير باسل ال**دي حياتها بالنظاره السوداء (و مع الخبر صوره ليها و هيا في فرح بتاكل و بقها ملحوس) ام انها هكذا لي جذب تعاطف الناس بنت الملياردير من زوجته الفرنسيه لا تملك ثمن عمليه جراحيه لي استولاء زوجه ابيها سندي على حقها في ارث ابيها لي ابنها باسل ال**دي اصغر ملياردير في مصر ام انها ترفض ان تخضع لي عمله جراحيه لكي تبقي في احتياج لها اسرار كثيره تحيط عائله ال**دي و تاريخ طويل لي ابيها من الاغتيالات و الاعمال الاجراميه التي لم تعقبهم القانون فا في سن السابعه عشر اخذت صوره لي باسل ال**دي و هو يمسك بكأس صغير به بعض الثلج و المشروب الشفاف و علق عليها انه لا يحتسي الخمر لكنها بعض الماء لا احد يصدق مثل هذه الاشياء فا الشعب المصري يعلم مدي كذب هذه الطبقه من المجتمع (قفل الجرنال) بصي انا قريت الخبر و خلاص و الانسان الي كتب الكلام ده ميعرفش اني بيتكم مانع دخول الخمور بأنواعها الناس دي متعرفش

لميتا : (ب**ره نفس) وله يعرفه مش فارقه (قامت تمشي و هيا ماسكه العصايه و شكري حس انه عمل غلط كبير جدا)

بعد شويه جوه القصر

شغاله : باسل بيه

باسل : ايوه

شغاله : في حد من الحرس عايز يقابلك

باسل : لا مش دلوقتي انا طالع انام

قام باسل و طالع فوق راحت الشغاله عرفت شكري الي كان واقف عند الباب و شايف بسل ماشي

شكري : (نادم على باسل ) يا باسل بيه يا باسل بيه

شغاله : خلاص يا شكري بكره

شكري : لا لزم اشوفه يا بتسل بيه

باسل : (رجع تاني) نعم عايز ايه و بتزعق ليه

شكري : يا باشا انا عايزك في موضوع مهم

باسل : موضوع ايه الي يخليك تعمل كل الحوار ده

شكري : بخصوص لميتا هانم

باسل : طيب (اخده وطلعه بره قعده في الجنينه قدام البيت) اقعد

شكري : ميصحش

باسل : اقعد

شكري : (قعد) انا اسف لو اسلوبي معجبش حضرتك

باسل : لو الموضوع لي لميتا عادي قول

شكري : انا بحب لميتا زي بنتي و اكتر علشان طيبه و محترمه و علاقتي بيها انا و باقي الحرس علاقه صداقه كل الحرس هنا بيحبوها جدا

باسل : لميتا طول عمرها محبوبه بس ايه المشكله

شكري : لميتا هانم طلبت اني اقراء ليها الجرنال زي كل يوم بس كان فيه الخبر ده اتفضل

باسل : (اخد الجرنال و قراء الخبر) كلاب يعني انا عادي لكن اختي ليه

شكري : امورني اجيب الصحفي لحد عندك

باسل : لا انا ها تصرف لو في اي حاجه تاني تدخلي على طول ماشي

شكري : ماشي يا باشا

دخل باسل القصر و مش عارف يعمل ايه مع اخته لزم ترجع تاني بس لزم عمليه في سن معين طلع الاوضه ليها لقاها نايمه غطاها و باس راسها و رجع الاوضه بتاعته سندي ام باسل قاعده و ماسكه الجواب الي فيه القصيده فتحت الدولاب و حطته في صندوق فيه قصائد كتير و قعدت على السرير و الورد قدمها لحد ما تلفونها رن كان سليم

سليم : عايز اقابلك

سندي : سليم انا مش بنزل من البيت في اليوم ده انتا عارف

سليم : لا لزم اشوف

سندي : لو موضوع مهم قوي كده يبقي عدي عليا في المكتب

سليم : لا انتي الي ها تجيلي

سندي : و انا من امته بروح لي حد يا سليم

سليم : مفيش الكلام ده يا تيجي يا ابعت اجيبك بالقوه

سندي: قوه لا و علي ايه انا جيا

سليم : (قفل السكه في وشها)

سندي : ماشي يا سليم الكلب لو طلع موضوع تافه ها قتلك

قامت سندي و لبست قميص و بنطلون لونهم اسود و نزلت تحت لقت عربيه و نزل منها اتنين

امام : يا هانم

الهانم : ايوه يا امام

امام : الناس دي جيه لي حضرتك من سليم اجي مع حضرتك

الهانم : (بصت لي شكلهم) لا

شخص : الهانم

الهانم : ايوه

شخص : ممكن سلاح حضرتك

الهانم : (طلعت المسدس بتاعها من الشنطه و عطته ليه) اتفضل

شخص : ممكن افتش الشنطه

امام : (وقف في النص)

شخص : انتا راجل كبير بلاش تقف في طريقي

امام : انا الفا انتا كودك ايه

شخص : انا 258746931ع

امام : (مسك دراعه)

شخص : (مسك ايد امام و نشف عليها)

امام : (ابتسم و برجله قلبه في الارض) انا الي دربت عمار الي دربك قوم (قومه) انا احترم رجاله الجحيم بس مش ها ينفع تفتش شنطه الهانم

شخص : حضرتك الفا و عارف دي اوامر عليا

الهانم : خلاص يا امام سيبه اتفضل الشنطه

شخص : (فتح الشنطه) ايه ده

الهانم :دي ولاعه

شخص : اتفضلي يا هانم

ركبت سندي العربيه و راحت لي سليم في مكانه كان قاعد و حارق كميه سجاير كبيره جدا

الهانم :عايز ايه يا سليم و طلبني ليه

سليم : اقعدي

الهانم : (قعدت) طلبني ليه ايه الي حصل من امته انا الي باجي

سليم : لا انسي ايام الدلع دي خلاص خلصت

الهانم : انتا عارف يا سليم انا قعدت مع المرحوم بعد خروجه من مستشفي المجانين اوقات كنت احس انه مجنون فعلاً لحد ما اتعلمت منه اني الجنون ده اسلوب حياه اتعملت منه اني المجنون الناس تخاف منه

سليم : انتي عمرك ما هتبقي حاجه فيه

الهانم : لا في دي عندك حق هو كان البعبع اما انا فا الهانم (طلعت مسدس من الشنطه) ايه ساكت ليه مش كنت ها تجبني بالقوه

سليم : (بيحاول يهديها) اهدي و نتكلم

الهانم : احنا اهو بنتكلم و على ارضك بس بحب اكون انا القويه

سليم : الحرس الي بره لو سمعه صوت ض*ب نار ها يدخله يعمله مصيبه و انتي لزم ترجعي لي باسل و اميره

الهانم : باسل و اميره هههههه سليم باسل كبر خلاص لو حصلي حاجه ها يجي و يمسحكم من على وش الارض و من شابه اباه فما ظلم الي مخلفه من باس ال**دي متخفش خالص و زي ما كان بيقول قبل ما يقتل حد ها توحشني يا سليم و ها قتلك و انا في بوقي السيجاره كده (داست على الزناد بس المسدس ده ولعه ولعت السيجاره و حطته في الشنطه و قعدت تدحك) هههههههه نفسي تشوف شكلك و انتا خايف ههههههه

سليم : (قعد و وشه مخضوض و سعاتها ايقن انه قدام بعبع جديد بجدل جديد و شكل جديد) انتي بتعملي ايه

الهانم : ايه هو المرحوم معملهاش قبلي

سليم : و عرفتي منين

الهانم : من مذكراته خير يا سليم طلبني ليه

سليم : (شرب شويه مايه من قزازه علشان ريقه نشف) ماشي بس ها نشوف موضوع المذكرات ده بعدين انتي ها تزودي نسبه جمال المحمدي

الهانم : ازوده ليه نسبته معروفه من ايام ابوه

سليم : طيب انا وصلني انك على علاقه مع جمال المحمدي

الهانم : علاقه مع جمال ههههههه انتا بتهزر صحيح

سليم : اللاسف مش بهزر انتي عارفه عقاب حاجه زي دي التصفيه

الهانم : وانا مش عايزه اموت وانا مش على علاقه معاه مين الي وصلك الكلام ده يا سليم

سليم : بتسألي ليه

الهانم : علشان احقق معاه بنفسي

سليم : لا انا الي ها حقق بنفسي بس اكيد

الهانم : جري ايه يا سليم انتا الي بتسأل انتا تعرفني و عارف عروض الجواز الي جتلي بعد موت المرحوم و انا قابلت العروض دي ازاي انا مستحيل اتجوز او ادخل في علاقه بعد المرحوم

سليم : ماشي يا هانم بس كان لازم اتأكد

الهانم : ماشي يا سليم (قامت و رايحه نحيه الباب و وقفت) سليم الي طلع الإشاعة يا يموت يا يموت

سليم : اعتبريه وصل لي الغالي فوق

الهانم : اتمني

طلعت بره و ركبت العربيه الي جابتها و رجعت تاني القصر عندها كان أمام لسه واقف

امام : حصلت مشكله

الهانم : لا محصلش حاجه فين عمر

امام : عمر قافل كل الاجهزه بتاعته و مش عارفين نوصل ليه

الهانم : ايله يومين طيب حاول توصل ليه و طمني عليه لحسن يكون حصله حاجه

امام : تمام يا هانم

دخلت سندي. القصر و طلعت تنام

المشهد الريسي

جمال نايم في القصر وصحي على حلم وحش جدا ايوه بيجري في غابه و بيجري وره حجت سوده كبيره و هو يجري و هما يجره وره لحد ما وقع في الارض و جمال صحي قام لقي جسمه كله عرق دخل الحمام اخد دش و طلع بره الاوضه سعتين و كانت اصول و فريده نزله و قعده على الفطار

جمال : فريده انتي آخرتي ليه امبارح

فريده : نزلت مع يمني شويه

جمال : طيب سبتي عربيتك ليه

فريده : رحنا بعربيتها

جمال : طيب روحته فين

فريده : اشترينا شويه حاجات

جمال : بس انتي راجعه امبارح و معكيش حاجه

فريده : جري ايه يا جمال هو تحقيق (قامت و طلعت فوق)

اصول : ليه كده يبني

جمال : علشان بتكذب فريده كانت مع يمني و اخوها احمد و واحد تاني كان ممكن تقول الحقيقه و انا مش ها جلدها يعني

اصول : هيا ممكن تكون خافت من رد فعلك

جمال: تخاف ليه انا اخوها مش عدوها

اصول : طيب انا ها تكلم معاها

جمال : ماشي انا نازل الصعيد النهارده و راجع بكره او بعده

أصول : ليه هو ابوك تعبان

جمال : لا كله تمام بس مفيش جديد رايح اشوف الشغل الي هناك و اطمن على امي و ارجع

اصول : طيب ابقي خلي امك ترجع علشان و حشتني الرخامه عليها

جمال : بجد يعني انتي مسامحها

اصول : لا طبعا بس هيا وحشتني مش متعوده اقعد لوحدي

جمال : ماشي يا صولا

طلع جمال اخد الشنطه بتاعته و راح المطار و اصول طلعت الاوضه لي فريده خبطت و دخلت

اصول : ممكن اعرف القمر قام ليه من على الفطار

فريده : انتي عجبك اسلوب جمال

اصول : جمال اخوكي الكبير غير شغله صعب اخوكي كان ضابط مباحث و شغله مأثر عليه

فريده : بس مش كده

اصول : طيب عيني في عينك كده قولي كنت مع مين

فريده : مع يمني و احمد اخوها و باسل

اصول : باسل امممم بس واد عادي كده يعني شكله وحش

فريده : ايه وحش ده مز

اصول : هههههههه عرفت اوقعك في الكلام

فريده : (م**وفه) انا

اصول : انا مش عايزكي تخبي عليا اي حاجه تاني ماشي انتي بنتي و انا امك مش عدوتك و بعدين انا و انتي مفيش بنا اسرار وله ايه

في مشهد اخر

باسل صحي و من النوم متأخر و لبس بدله رسميه و نزل

مني : ايه الشياكه دي كلها

باسل : ده من زوقك يا قمر (طلع تلفونه و كلم سامح) عم سامح حضر العربيه و فريق حراسه رايحين مشوار (قفل معاه)

سندي : حراسه ليه

باسل : رايح مشوار مهم

مني : انتا امبارح اخدت العربيه و النهارده كمان اشمعنا

باسل : امبارح كنت مع فريده و هيا بتخاف من الريس

كارما : بركاتك يا ست فريده

باسل : بس يا بت فين لميتا

اميره : مش عايزه تنزل بتقول تعبانه

باسل : طيب انا نازل سلام

# # # # # # # # # # # # # # # # # # # # # # # # # #