البداية ( الجزء الثالث )

الفصل السادس

الفصل السادس

هو الموت راحه وله لا اصلي مجربتش اموت قبل كده بس الناس بتقول راحه انا خايف من الموت خايف من الدنيا الي مش ها ترحم الي ليا لو انا مت وله ممكن ترحمهم برده معرفش

بدايه الفصل

جمال اخد الصدمه اني ممكن ابوه يفضل تعبان طلع من المستشفى و راح المدافن قعد جنب قبر يوسف اخوه

جمال : ليه يا يوسف ليه تسبني كده ليه تسبني يا اخويا يا صحبي مش كنا على الحلوه و المره مع بعض مش كنا على عهد ازي تخلف تسبني لوحدي كده من غير اي مساعده انتا مرتاح و انا في الدنيا طالع عين الي خلفوني انا تعبت قوي و عايز اجيلك عايز اكون معاك زي ما كنا مع بعض في الدنيا يا اخويا يا صاحبي (و قعد يبكي على قبر اخوه فاق على صوت عتمان)

عتمان : لو البكي على قبر الي راحه ها يرجعهم كن زمان عنينا نشفت

جمال : (مسح دموعه) جدي

عتمان : قاعد اكده له

جمال : تعبت يا جدي و جي اتكلم مع الحبايب

عتمان : حبايب مين قصدك شويه العضم الي ملفوف بالقماش وله شويه الطوب او التراب الي سترهم تتكلم مع مين يا ولدي الاموات مش بيسمعه

جمال : بس بيحسه

عتمان : و لما اخوك يحس بتعبك ها يعمل ايه هو مش بايده حاجه هو عايز الي يساعده في حسابه بس الحساب لزم يكون لوحده و انتا محكوم عليك تصفي الحسابات لوحدك تشكي لمين و من ايه

جمال : ابويا بيموت يا جدي و خايف عليه

عتمان : لما تعيش عمر قد عمري ها تفهم الموت الموت يا ولدي زي الطابور كلنا واقفين فيه بالدور و كل واحد و دروه بس الطابور ده متقدرش تعرف انتا واقف فين وله ورك مين او قبلك مين او تجيب واحد مكانك قوم يا ولدي و زياره الاقارب و صله الرحم مهم قوم زور عمك حماده

جمال : (استغرب) عمي حماده

عتمان : ايوه يا ولدي عمك حماده خد زياره و روح زوره ده من دمك و لزم توده قوم

جمال : و ابويا

عتمان : انا و انتا و يوسف و حماده و ابوك بين ادين الخالق معادنه جاي جاي قوم يا ولدي قوم

جمال : (قام) ماشي كلامك يا جدي قايم

قام جمال و عتمان فرد الشال بتاعه على الارض و قعد عليه و جمال جهز واجب محترم و راح لي حماده البيت

حماده : (بأسلوب جاف) خير ولد ايهاب

جمال : المحمدي ايهاب المحمدي يا عمي

حماده : جاي ليه

جمال : جاي ازروك يا عمي وله عيب

حماده : بعد ما وقفت قصادي

جمال : طيب ايه يرضيك يا عمي و انا اعمله

حماده : تسبها ليا

جمال : طيب انا علشان ارضيك ازعل ابويا مينفعش شوف يا عمي انتا عايز ايه و انا معاك في اي حاجه

حماده : (بص لي جمال شويه و ولع سيجاره) تتجوز

جمال : اتجوز!!!!

حماده : ايوه تتجوز بنتي

جمال : انتا عندك بنت واحده بس

حماده : ايوه جميله بنتي

جمال : بس جميله عيله صغير اخر مره شوفتها كان من 10 سنين

حماده : لا عندينا البنات تكبر بدري جميله عنديها 21 سنه

جمال : ماشي بس انا عندي 29 سنه يعني انا اكبر منها بكتير

حماده : ده شرطي لو عايزنا نكون حبايب يبقي لزم نكون نسايب

جمال : (بيفكر شويه و عايز يلم العيله من تاني) طيب

حماده : (مد ايده) الفاتحه

جمال : (حط ايده في ايد حماده و قراء الفتحه) مرضي يا عمي

حماده : لسه لما تيجي و تجيب كبار العيله و تطلب يدها مني قدامهم

جمال : ماشي يا عمي

مشي جمال من عند حماده و راح المستشفي مفيش جديد خالص

في مشهد اخر

البيت عند باسل بس في الصعيد البيت ده فيه اعمامه مصطفي الكبير و مخلف عماد و ابراهيم عماد مسافر بره مصر شغال هناك لسبب مش مهم و ابراهيم متجوز ليليان بنت مني الديب و عايشين في القاهره اما العم التاني فا محمود و ده متجوز حياه بنت خالته و مخلف ولدين و بنت الولد الاول منتصر و ده شغل ضابط في الحربيه و الولد التاني راضي شغال وكيل نيابه بس في جنوب سيناء و الاخت الصغيره هيا ناجيه من سن علي و بتدرس طب محمود متجوز واحده تانيه هيا بنت عمه اسمها جني جوزها توفي و علشان متعش لوحدها علشان هيا وحيده لي ابوها و ابوها متوفي فا اتجوزت محمود و عايشه في نفس البيت مع بنت جوزها صفاء هيا من سن لميتا و ديمن بتغير منها كأنه قعدين و بيتف*جه على التلفزيون و جيه الحوار بتاع علي خلص بعد ما سمعوه

محمود : هو الواد ده اتجنين وله ايه

ناجيه : اشمعنا يا بني

محمود : ماما انتي عارفه يعني ايه 100 مليون جايزه يعني الضرايب ها تق*ف ابوهم

دودو : (بنت محمود) بس باسل كان مسيطر في الحوار

ناجيه : هههههه طبعا لزم يبقي مسيطر ابن ابوه اعمله حسابكم بكره نروح القاهره علشان نتف*ج على لميتا

صفاء : و مله نروح على الاقل نضحك شويه

جني : على رائيك الواحد كان نفسه يضحك

ناجيه : طبعا مش عايزه افكركم اني لو لميتا زعلت بسببك يا صفاء و حيات رحمه الغالي ابني لا اوريكي ايام سوده

جني : ايه ده انتي بتكلمي البنت كده ليه

ناجيه : اكلمها زي ما انا عايزه هيا و امها و اي حد و زي ما قولت ولو مش ها تعرفي انتي و بنتك تتعمله باحترام خلاص مش ها تروحه

جني : لا طبعا رايحه بس مش علشان بنت المحروس ابنك رايحه اعمل شوبنج انا و بنتي

ناجيه : شوبنج يا مقشفه انا قولت كلمه خلاص

جني : متقول كلمه يا سيد الرجاله

ناجيه : سيد الرجاله غصب عنك و عن الي جبوكي بس انا قولت كلمه و مفيش كلمه بعد كلمتي

محمود : الي تشوفيه يا ست الكل

جني : هو ده الي طلع في ايدك تقوله

ناجيه : شكلك كده نسيتي انا لما اقول كلمه بتحصل يا امدك انتي و بنتك (طلعت خرزناه رفيعه زي بتاعت الغنم ) اوعي تكوني فاكره الكرسي ده هدني انا ناجيه العدوي فوقي

قامت جني و هيا متغاظه و بنتها معاها و طلعت فوق

محمود : ماما انا عمري عرضتك في قرار بس ليه

ناجيه : علشان الحيوانه صفاء اخدت صوره و لميتا مش واخده بلها و نزلتها على النت و الناس كلها جيبه في سيرتها بسببها

مصطفي : عندك حق يا امي الصوره ت**ف

ناجيه : بسبب صفاء البنت محبوسه و م**وفه تطلع

محمود : طيب يا حجه الي تشوفيه

في مشهد اخر

فريده قاعده مع امها و عمتها و جلها تلفون من علي قامت ترد بعيد

فريده : (رده بصوت فيه سعاده) الو

باسل : الو يا فريده عامله ايه

فريده : كويسه انا شوفتك على النت في اللقاء

باسل : و ايه رايك انفع راجل اعمال

فريده : يعني مش اوي

باسل : ههههه ماشي يا ست فريده بس انا عايزك بكره تيجي الحفله

فريده : حفله ايه

باسل : دي حفله ها تعزف فيها اختي الصغيره

فريده : مش عارفه

باسل : لا لزم تكوني موجوده بكره

فريده : طيب هو احمد و يمني جايين

باسل : انا عرفتهم

فريده : طيب ها شوف

باسل : لا انتي ها تيجي

فريده : ايه الثقه دي كلها

باسل : ده غرور مش ثقه يله انا لزم اقفل دلوقتي باي

فريده : باي

قفلت معاه و دخلت

اصول : ايه يا قمر وشك منور يعني كده

فريده : ها لا مفيش عادي

مروه : عادي طيب

فريده : ماما هو انا ممكن اطلب منك طلب صغير

أصول : بس كده قولي عايزه ايه

فريده : في حفله بكره في الاوبر عايزه احضرها

أصول : لي مين

فريده : لي سليم سحاب بس هيا حفله خاصه

اصول : طيب يا فريده مقدرش اقولك لا

مروه : ابقي عدي عليا الصبح في الاستور اختاري الفستان الي يعجبك و مش ها حسبك يا بنت اخويا يا قمر العيله كلها

فريده : (اخدت مروه حضن حلو) ميرسي يا عمته يا قمر يا احلي عمه في الدنيا كلها يا قمر

اصول : ما تصلحه الام التعبانه الش*يانه تفسده العمه في لحظه

قعده يدحكه شويه

في مشهد اخر

سليم جايب فياض و عثمان و اشرف في حته في الصحراء بعد ما خلاهم يحفره حفره كبيره بنفسهم

فياض : ابوس ايدك سبنا نمشي

سليم : تمشو تروحه فين انتو فاكرين لما تهربه على روسيا مش ها نعرف نجبكم احنا في كل حته

اشرف : طيب انا ذنبي ايه

سليم : ذنبك انك عرفت و الاوامر الي عندي هيا تصفيه جميع اطراف المؤامرة انتو فاكرين لما تقوله عليها كده ها نشتري و نصدق و نطلع نصفي الهانم صح تبقو اغ*يه احنا مش بنتعامل مع الخونه تبقي مجانين

عثمان : غلطان عايزين السماح

سليم : اللاسف يا عثمان انتا طلب حاجه مش بايدي بصه انتو ها تموته دلوقتي و لما تطلعه النار البعبع ها يعمل معاكم احلي واجب (ض*ب عثمان في الاول في دماغه) الرحمه مش في الارض الرحمه عمرها ما كانت في الدنيا(ض*ب اشرف بالرصاص في دماغه و نشن علي فياض) مجنون لو فاكر انك تقدر تلعب بحد من بيت البعبع هو ايوه مات بس بيته عش دبابير سلام يا فياض (ض*به في دماغه مات) يله يا رجاله اردمه الحفرة (طلع تلفونه و بعت رساله : تم تصفيه جميع اطراف المؤامرة بنجاح)

المشهد الريسي

جمال رجع القاهره و وصل البيت سلم على اصول و فريده و طلع ينام و تاني يوم راح الشركه بدري كانت رنا هناك و بتستلم شغلها من جيهان

جمال : يا صباح العسل ايوه كده الواحد يبداء اليوم بالوشوش المشرقة مش زيك

جيهان : جمال يا ابن ايهاب ادخل على مكتبك انا مش طيقه نفسي اساس يله

جمال : امرك يا سيد المعلمين

دخل جمال المكتب

رنا : (مستغربه) هو انتي ازي بتكلميه كده ده صاحب الشغل

جيهان : عادي انا و جمال متربين مع بعض اصل جدي كان صاحب عمه ايهاب

رنا : قصدك ابوكي

جيهان : لا جدي اصل عمه ايهاب من صغره يحب يقعد مع ناس اكبر منه في السن بكتير لما فكرت اشتغل ماما كلمته الانها زي اخته الكبيره جبني هنا و زمان و احنا صغيرين عمه إيهاب كان يجي هو و طنط منة و طنط اصول و يوسف و جمال و فريده يقعده شهر في السنه في شقه ابوه في بولاق الشهر ده كان يبقي عيد على المنطقه اي حد عنده مشكله يروح ليه و هو يحلها

رنا : غريب

جيهان : طبعا غريب واحد مليونير و من عائله كبيره في الصعيد ايه يخليه يقعد في بولاق و يروح حتي زياره ليها بس هو عمه ايهاب كده كان طيب بشكل مسيره يقوم بالسلامه و تشوفيه و تعرفيه

جمال جوه المكتب و دخل عليه عماد

عماد : ها ابوك عامل ايه

جمال : مش عارف يا خالي الدكاتره بتقول المسئله وقت مش اكتر و مفيش حاجه تطمن

عماد : (خد نفس عميق) البركه فيك يا جمال واكيد خير و راحه ليه

جمال : اكيد قولي ايه الورق ده

عماد : ده ورق شحنه رايحه المغرب و راجعه تاني

جمال : رجعه تاني ازي

عماد : المستورد طلع صاحب مزارع عرض انه ياخد البضاعه و يدينا محاصيل

جمال : قص من السعر كام

عماد : وله جنيه

جمال : وله جنيه ازي يعني

عماد : هو بيقول هديه تعارف

جمال : طيب عايزك....... تمام

عماد : مع انه مكلف كتير بس ماشي

جمال : (اخد الورق و مضاه) حضر الورق التاني و ابعته امضيه ماشي

عماد : ماشي

في مشهد اخر

باسل طلع الصبح راح الجامعه كان في خبر على البوابه انه يروح مكتب العميد ركن و طلع المبني الاداري و وصل مكتب العميده سحر

علي: صباح الخير يا دكتور

سحر : صباح الزفت على دماغك

باسل : ليه الوش ده بس

سحر : ايه الي عملته مع الدكتور زيدان ده

باسل : اعمل ايه شغال نخع على الفاضي و انا كنت نايم

سحر : و انتا من امته بتحضر محاضرات اصلا ايه الجديد

باسل : قررت احضر فيها ايه

سحر : طيب يا باسل بلاش الدكتور زيدان

باسل : هو مش في دماغي اصلا بس ليه

سحر : علشان ده دكتور مهم و متعين تبع الامم المتحدة و علاقته كبيره ممكن يعمل مشاكل

باسل : انا قولت انه مش في دماغي و بعدين يا دكتور انا باسل ال**دي

سحر : يخي حتي دي شبه ابوك

باسل : ايوه صح نسيت اسألك تعرفي بابا و ماما منين

سحر : ابوك هو كان في زي ابوك في جدعنته

باسل : انا عارف ابويه كان احمد السقا بس عرفتيه منين

سحر : بص يا سيدي انا من المنصوره من اسره افقر مما تتخيل كنت بدرس هنا في الجامعه بمنحه تفوق كنت داخله و خايفه طبعا كان في تريقه و طبقيه من طلبه كتير بس ابوك كان جدع و بيوقفهم عند حدهم حتي من غير ما يعرفني و اتعرفت على امك و هيا الي عرف*ني عليه ابوك ساعدني كتير جدا حتي ساعت ما ابويا توفي مكنش معايا حتي تمن الكفن و امي كانت ميته ابوك قام بكل المصاريف و وقف في الصوان و قبل العزاء من الناس و بعدها كمل جدعنه و شاف لي شغل هنا في القاهره لحد ما اتخرجت جبلي تعين هنا معيده لحد ما بقيت دكتوره و اديني اهو العميده لي الجامعه الي انا درست فيها

باسل : تمام انا كده عرفت انتي بتجيبي عربيات شيك و غاليه ليه علشان تعوضي النقص

سحر : (بترفع حاجه من على المكتب و ض*بته بيها) انا ناقصه يا ابن الكلبه

باسل : اه يا دماغي طيب ليه الشتيمه

سحر : اعمل ايه اشتمك بابوك مينفعش كان جدع لكن امك واطيه مش بتسأل عليا

باسل : خلاص يا دكتور براحتك بس النهارده في حفله في الاوبره لي اختي عايزك تحضري

سحر : ماشي بس ايه البدله الشيك دي شوفتك في اللقاء على فكره ابوك بالظبط في كل حاجه معادا الشكل بتاع امك

باسل : كويس علشان اعرف اشقط براحتي سلام

طلع باسل من عند الدكتور و اخد المحاضرات بتاعته و الشباب و البنات بتسأل على موضوع المسابقه الي عملها و هو مش عاطي اي اهتمام خالص و بيرد ب قدم و ممكن ت**ب او لا بعد ما خلص طلع على دار الأوبر جهز كل حاجه و تمم على سامح الي كان هناك مع الرجاله و طلع جاب البدله بتاعته و راح البيت طلع الاوضه لي اخته لميتا كانت متوتره

باسل : اخبار الفنانه ايه

لميتا : (متوتره) بلا فنانه بلا زفت سبني في حالي

باسل : (اخدها في حضنه) مالك بس فيكي ايه

لميتا : انا خايفه اوي

باسل : تخافي من ايه بس انا معاكي

لميتا : لو الناس اتريقت عليا

باسل : طيب خلي اي حد يفكر يعملها و انا اض*به بالنار و هو قاعد يابنت انتي اختي لميتا ال**دي الخوف و القلق دول اصحاب لينا مش نخاف منهم يله البسي الفستان بتاعك و اجهزي علشان نتحرك

لميتا : ماشي

باسل : صحيح انتي ها تعزفي ايه

لميتا : خليها مفاجأة

باسل : ماشي يا قمر

طلع على و راح الاوضه لبس البدله و امه و مني و اخوته لبسه لبس سواريه و نزله تحت علي بعد ما خلص لبس وقف استني لميتا و اخدها و نزله تحت و الكل عمال يطمن فيها لحد ما وصله الدار و الناس بدأت يجي بالدعوات و قائمه الحضور كلهم جايين يخلصه مصالح يعني راجل اعمال قابل وزير و نائب في مجلس الشعب قابل راجل أعمال و كلها دايره مصالح دخله القاعه و طلع المايسترو و قعد على البيانو و لميتا قعدت على كرسي بس كانت خلعه النضاره و مسكه الكمنجة بتاعت ابوها و قعدت و المايسترو خبط بالعصايه بتاعته علشان الكل يسكت و ينتبه بدات لميتا العزف و نسيت الناس عزفت سيمفونية لي فرانك سناتره اسمها ارض السعاده بس اللحن نفسه لحن حزين (ادخله اسمعوها على اليوتيوب تحفه) خلصت المقطوعه الاوله والتانيه كانت اخر مقطوعه قام الكل سقف ليها و طلب المايسترو مكروفون

المايسترو : شكرا جدا لي الحضور الكرام انا مكنتش اتوقع اني عزف لميتا يكون بالجمال ده انا مبهور جدا به حاجه راقيه و جميله و مختاره سيمفونية صعبه بس عزفتها ببراعه شديده شكرا لميتا امتعتينا جدا بعزفك

الكل سقف من الي عجبه المزيكا و الي جي يطبل و ي**ب مصلحه طلعه بره القاعه استراحه و باسل واقف مع الصحافه بص لقي فريده لابسه فستان سواريه تحفه جدا انها اللقاء و راح ليها

باسل : ايه الحلاوه دي

فريده : (م**وفه) شكرا

باسل : حضرتي الحفله من الاول

فريده : ايوه عزف اختك تحفه الصراحه

باسل : دي شهاده كبيره اوي (فضل باصص عليها و هو مبتسم)

فريده : (م**وفه) انتا بتبص كده ليه

باسل : مفيش بس انتي حلوه اوي الصراحه

فريده : (بصت في الأرض و هيا م**وفه)

باسل : (مسك ايديها الاتنين) انتي بتت**في من الصراحه

فريده : (لسه بصه في الارض) لا بس انتا اول واحد يقول اني حلوه

باسل : يبقي الناس مجانين لو مقالوش الكلام ده ليكي يله علشان الاستراحه خلصت

اخد ايدها في إيدة وهيا م**وفه دخل هو الاول و الكل وره و قعده في الصف الاول و فريده جنبه و ناجيه بنت محمود غيرانه منها جدا لانها بتحب باسل من الطفوله و ناجيه جدته بصه ليهم و فرحانه و حسه اني في حاجه بنهم قعده سمعه لميتا بتعزف لحد ما خلصت و طلعه بره علشان يمشه

باسل : ها تروحي

فريده : ايوه الساعه12

باسل : طيب تعالي اوصلك

ناجيه : ايه ده فريده عامله ايه يا قمر

فريده : كويسه يا طنط

ناجيه : لا بلاش طنط دي الكل بيقولي يا حاجه بس انتي تقدري تقوليلي يا ناجيه

فريده : عيب

ناجيه : مفيش عيب اسمعي الكلام و انتي ساكته انا اسمي ناجيه ماشي

فريده : ماشي يا ناجيه

باسل : ها روح اوصل فريده و راجع

ناجيه : ليه بس سبها تسهر معانا

فريده : مش ها ينفع علشان ماما

ناجيه : (نجحت في الاختبار) ماشي وصلها يا باسل و خد بالك منها ها

باسل : في عنيا يا تيته

طلع باسل مع فريده و ركبت معاه العربيه

دودو : مين دي يا ناجيه

ناجيه : بتسألي ليه

دودو : علشان باسل

ناجيه : واحده تاني كانت شافتك بجحه بس انا معوداكي على الصراحه بلاش تسألي تاني باسل يعمل الي هو عايزه

دودو : ازي

ناجيه : لو نصيبك ها يجيلك لكن لو لا يبقي خلاص

طلعه بره علشان يروحه

سندي : معلش يا ماما انا رايحه مشوار

ناجيه : الشغل يتأجل

سندي : اسفه بس لزم اروح اشوف عمر فين مختفي بقاله فتره

ناجيه : طيب روحي شوفيه و قوليله اني عايزه اشوفه في الصعيد قريب

سندي : ماشي سامح اتحرك معايا من غير حراسه

سامح : حصل

ركبت مع سامح عربيه من غير حراسه و راحه على عماره في المعادي طلعت و خبطت على الباب فتحت ليها داليا (داليا تبقي سكرتيره باسل ال**دي جوزها و كان ليها مشكله و باسل خلصها و نتيجه لي ده اخد رصاصه في ضهره و مات بسببها)

داليا :سندي وحشاني اوي (اخدتها بالحضن)

سندي : (بدلتها الاحضان) و انتي اكتر يا داليا

داليا : اتفضلي ادخلي ازيك يا سامح

سامح : تمام يا داليا ليكي واحشه

دخله و قعده

سندي : فين اخوكي يا داليا

داليا : اديله يومين في الاوضه مش راضي يطلع

سندي: ليه كده

داليا: مش عارفه

سندي: طيب انا دخله ليه

داليا : اتفضلي البيت بيتك و عمر زي ابنك (عمر يبقي اخو داليا الصغير و هو و احمد توائم بس مش نفس الشكل)

قامت سندي و راحت الاوضه لي عمر خبطت

عمر : داليا مش عايز اتكلم

سندي : انا يا عمر مش داليا

عمر : (قام بسرعه فتح الباب) حضرتك هنا يا هانم

سندي : ايوه هنا (زقته و دخلت الاوضه قعدت على الكرسي) اقعد

عمر : ميصحش

سندي : بطل عبط انتا زي ابني اقعد

عمر : (قعد)

سندي : مالك مختفي ليه

عمر : تعبان شويه

سندي : طيب البس نروح المستشفي نعملك فحص شامل

عمر : لا نفسياً

سندي : طيب مالك

عمر : مش عارف بس مش مرتاح انا شوفت مع حضرتك كتير دم كتير و موت كتير و ده تعبني

سندي : عندك حق بس احسبها معايا لو انا معملتش كده كان ها يحصل ايه كان ها يحصل كتير في كلمه كان بيقولها المرحوم (مجبور) الكلمه دي كانت بيقولها اول ما يعمل كده علشان يا هو يعيش يا هما يعيشه الارض مش ها تساع الاتنين

عمر : عندك حق بس انا عايز طريق خروج حتي لو ها دفع التمن الموت بس عايز ارتاح

سندي :و انتا عندك 18 سنه جتلي و طلبت ترد الجميل بتاع المرحوم و تشتغل في الحراسه بعتك ساعتها الجحيم تتدرب لحد ما كملت سن 21 سنه رجعت صح وله غلط

عمر : (بص في الأرض) صح

سندي : خلاص انتا بعت روحك لي الشياطين و عملت معاهم عهد بالدم (بصت ليه شويه) بس لو عايز تخرج ماشي خروجك امن بضمان مني انا

عمر : (بفرحه) بجد

سندي : بجد انتا درست حقوق في الجحيم صح

عمر : صح

سندي : خلاص انزل مكتب الشؤون القانونية براحتك من بكره و زي ما قولت خروجك امن برعايتي انا

عمر : بجد مش عارف اقول لي حضرتك ايه

سندي : (بابتسامه) بلاش حضرتك دي انا زي امك و الام متتعبش ابنها وله تضغط عليه

عمر : ماشي

سندي : (قامت) سلام يا عمر و زي ما اتفقنا

طلعت بره و سامح كان قاعد

داليا : ماله الواد

سندي : معلش شاف كتير و تعب منه عمر حساس اتفقت معاه ينزل الشركه موظف من بكره

داليا : (عنيها بتلمع من الفرحه) يعني ينفع يخرج

سندي : من امته بقول كلمه و برجع فيها

يمني : (يمني تبقي اخت داليا الصغيره خالص بس امهم متوفيه و ابو داليا اتجوز و جاب احمد و عمر و يمني الاخيره و الاتنين توفه في حدثه و داليا هيا الي ربتهم ) طنط سندي

سندي : ازيك يا قمر عامله ايه

يمني : تمام يا طنط

سندي : كنت عايزه اسألك على حاجه كده

يمني :طبعا يا طنط خير

سندي :انتي تعرفي فريده المحمدي

يمني : دي صحبتي جدا

داليا : مالها فريده يا سندي

سندي : مقضياها هيا و بس مش عايز يستقر

يمني : لا يا طنط فريده مش بتاعت تقضيه و خلاص ها بنت محترمه جدا و بنت ناس و علي مهتم بيها بجد

سندي : يعني هيا محترمه

يمني : جدا فريده صعبه اساساً ومش اي يفكر يكلمها اساساً

سندي : طيب ماشي عايزين حاجه

داليا : ماشيه ليه اقعدي شويه

سندي : مره تانيه يا داليا يله سلام

نزلت مع سامح و ركبه العربيه

سامح :ممكن اسأل على حاجه

سندي : اسأل يا سامح

سامح : حضرتك ليه سألتي عن فريده

سندي : علشان بيل مهتم بيها انتا اخدت بالك كان حاجز الكرسي الي جنبه ليها و داخل القاعه و ماسك اديها

سامح : فريده بنت كويسه جدا و جدعه و تربيه ايهاب المحمدي و حضرتك عارفه ايهاب مربي أولاده ازاي

سندي : عارفه و ساعتها العلاقه ها تقلب لي جواز

سامح : طيب كويس بلسل يستقر مع واحده كويسه و بنت ناس و من عيله احسن من البنت الي كان ماشي معاها درين

سندي : كويس بس فريده متنفعش علشان ضعيفه شبهي و انا صغيره و انتا عارف انا دفعت قد ايه علشان اوصل لي اسم الهانم و الناس تخاف تقول اسم سندي

سامح : حيات حضرتك مع المرحوم حاجه و باسل حاجه تاني باسل متعرضش لي نص الي اتعرضله الباشا

سندي : صح بس تضمن اني التاريخ ميعدش نفسه معاه و ساعتها فريده ها تقعد تعيط زي ما كنت بعمل زمان

سامح : مش فاهم الصراحه بس حضرتك اكيد شايفه حاجه تاني

سندي : نسيبها لي الوقت

رجعت سندي البيت وصلتها رساله من سليم (تم تصفيه جميع اطراف المؤامرة) دخلت جوه باسل كان سهران و بيتكلم في التلفون مع فريده قفل معاها

سندي : سهران يعني

باسل : كنت بتكلم مع فريده شويه

سندي : مش ملاحظ انك مزودها معاها شويه يعني داخل ماسك ايديها و مقعدها جنبك عادي

باسل : بديها مقامها هيا تستحق احسن من كده

سندي : بس انتا مش شويه انتا باسل ال**دي

باسل : عارف بس انا مشدود ليها شويه

سندي : بلاش يا باسل انا امك و عرفه مصلحتك

باسل : و انا عارف اكتر منك علشان دي حياتي انا تصبحي على خير يا امي

طلع باسل الاوضه بتاعته ينام

المشهد الريسي

جمال قفل مع المستشفي الي بلغته اخبار مش كويس ابوه لسه تعبان من كتر التفكير و طلع ينام في الاوضه بتعته و صحي تاني يوم نزل الشركه قابل رنا صبح عليها و كان في اجتماع مع ناس من انجلترا خلص معاهم

رنا : عايز حاجه قبل ما امشي

جمال : فاضيه وله وراكي حاجه

رنا : لا فاضيه

جمال : طيب تعالي نتغده مع بعض لو تحبي

رنا : (مبتسمه) ماشي

اخدها و راحه مطعم طلبه الغدا هما بيتكلمه

جمال : رنا انا عمري ما سألتك ابوكي عمل ايه لما عرف انك دخلتي شرطه

رنا : بص انا طول عمري بحب شغل بابا جدا بعد ما خلصت دراسه السون طلبه ضباط ستات رحت قدمت و هو ميعرفش و اتقبلت من غير ما يعرف رن عليه واحد صحبه بيقوله الف مب**ك رنا اتقبلت كان يوم اسود و عمل مصيبه في البيت بس انا مشيت كلامي و رحت برده انا ابوك عمل ايه

جمال : عمل حفله كبيره جدا مكنش عايزني ادخل بس اصريت و دخلت من وره برده و اتقبلت بدون مساعده منه بس كان فرحان جدا بيا

رنا : زي يعني

جمال : ايوه

رنا : (ابوها رن عليها كنسلت) انا لزم امشي دلوقتي بابا بيتصل

جمال : طيب اوصلك

رنا : لا العربيه بره باي

جمال : باي

قامت رنا و جمال طلب قهوه و هو بيشرب جاله تلفون من رقم مشفر

جمال : الو

شخص : الو يا جمال بيه

جمال : مين معايا

شخص : انا شخص

جمال : شكلك شاري خط برايفت و بتجرب ارقام طلع رقمي سلام (قفل السكه في وشه)

رن تاني و تالت لحد ما زهق قفل التلفون و حاسب ركب العربيه هو كان متحرك لوحده بدون حراسه جاله تلفون على الرقم الخاص رد

جمال : الو

شخص : كده تقفل التلفون في وشي و مش عايز ترد عليا

جمال : انتا جبت الرقم ده منين انطق بدل ما اجيبك بلبوص

شخص : لا انتا كداب متعرفش تعمل حاجه بس زي ما جبت رقم تلفونك اقدر اوصلك في اي لحظه بص علشان نختصر الوقت انتا ها تموت على أيدي انا بكلمك بس علشان تسمع صوتي و لما اجي اقتلك تبقي عارف انه انا زي ما قتلت اخوك هههههه (قفل السكه)

جمال : الو الو

لف العربيه بسرعه و راح على المكتب لي الهانم دخل

الهانم : (ببرود) جاي من غير معاد

جمال : كان لزم اجي

الهانم : خير

جمال : (حكلها عن التلفون الي جاله)

الهانم : هات تلفوناتك كلها

جمال : (طلع التلفون بتاعه و التلفون الخاص)

الهانم : (خدت التلفونات و داست على زرار دخل واحد من الحرس) خد التلفونات دي الخاص فوره و التاني ابعته اي حته غير هنا

حارس : حصل

اخد و طلع بره فرمهم و بعد كده رجع

الهانم : انتا اديت الرقم الخاص لي حد

جمال: لا اهلي نفسهم ميعرفوش الرقم ده

الهانم : (بتفكر شويه) مشكله دي جمال مين ده الي انتا عامل معاه مشاكل

جمال : لو اعرفه كنت قتلته

الهانم : و مش ها تعرفه غير لما يكون عايز يظهر الي يعرف يوصل لي الارقام الخاصه يبقي مش سهل

جمال : و بعدين

الهانم : ها غير وسائل التواصل و ابعتلك تلفون جديد بشفره جديده بس فتح عينك و بلاش تمشي من غير حراسه انتا كأنك بتقول تعاله اقتلوني

جمال : انا نفسي يظهر علشان اخلص منهم

الهانم : لا بلاش تسرع و غشوميه او تخلي الانتقام يعمي عينك

جمال : يعمي عيني ايه انا مش شايف غيره انا ابويا اتسمم و هو نايم

الهانم : ازاي حصل

جمال : محدش عارف و الدكتور بيقول السم في جسمه من مده طويله

الهانم : طيب اهدي و ها يظهر لوحده

جمال : و انا مستني

الهانم : قولي صحيح انا سمعت انك عندك اخت صغيره

جمال : (مش فاهم السؤال) ايوه ليه

الهانم : لا بس سمعت عنها و عن جمالها و ادبها كلام الناس عنها حلو

جمال : اه فريده اخر العنقود

الهانم : صحيح انتا عرفت الريس الي حاول يقتلك بتاع مين

جمال : بتاع شاب اسمه باسل باسل

الهانم : و عملت ايه

جمال : رحت اتكلمت معاه بس طلع مسروق منه و عامل محضر عليه

الهانم : ممكن تبقي اشتغاله

جمال : لا انا كلمته بنفسي هو شاب عادي تلقي امه هيا الي جيبه ليه علشان لقيت معاه واحد جديد بعدها بمفيش كام يوم

الهانم : لا لو امه عرفت كانت رفضت موضوع الريس ده اساساً

جمال : ليه هو حضرتك تعرفيها

الهانم : (طفت السيجاره) ايوه باسل يبقي ابني الكبير

جمال : (بستغراب) ابن حضرتك

الهانم : ايوه عيل طايش مجنون شويه عيبه هو الشرب

جمال : لا هو مش بيشرب علشان لو بيشرب كنت عرفت

الهانم : (بنصف ابتسامه) انتا زي ابوك كويس اني مش بسلم عليك بالايد

جمال : و حضرتك عرفتي الموضوع ده منين ده في اديق الحدود

الهانم : من ابوك نفسه لما فكرت اسلم عليه رفض و الموضوع ده عصبني جدا بس فهمني

جمال : بس مش غريب ابويا يحرق كرت في ايده

الهانم : ابوك و المرحوم جوزي كانه اصحاب و ابوك كان بيرفض يسلم على حد بايده غير في اديق الحدود كام شايف انه انتهاك لي خصوصيه الناس غ*ي حد يبقي في ايده سلاح زي ده و يرفض يستخدمه

جمال : علشان ليه تمن و تمنه صعب بس ابن حضرتك مش بيشرب خمره انا متأكد من كده بنفسي

الهانم : (بابتسامه صفره) انا ها خد كلامك ثقه (بصت في الساعه) اتفضل علشان عندي اجتماع

جمال : استأذن

# # # # # # # # # # # # # # # # # # # # # # # # # # # # # # # # # # # # # ## # # # # #