Oras na ng aming pagpunta sa mundo ng mga panaginip. Handang-handa na ang mga kasamahan ko maliban sa akin. I have this feeling na kapag pumasok ako sa portal na nasa harap ko ay hindi mundo ng panaginip ang mapupuntahan ko, kundi isang mundong puno ng sakit at pagkalito.
"Helleia, halika na," saad ni Lyo bago ako hinila papasok.
Sana nandirito si Eulla at nang makahingi ako ng pabor na muling ipakita sa akin ang nakaraan; pero wala siya rito, naroon siya sa mundo ng mga tao at hinahanap pa rin ang ibang reincarnation ng mga anghel na nasawi noong digmaan.
"Nandito na tayo," saad ni Lyo dahilan para bumalik ako sa wisyo.
Muli kong pinagmasdan ang maliit na bahay sa gitna ng kagubatan na siyang binabantayan ko. Nakahinga ako nang maluwag nang makitang wala pang mga Incubus sa paligid.
