"Mukhang iba ang iyong ngiti ngayon, Hannah," pang-uusisa sa akin ni Jenny. Kasalukuyan kaming nasa pasilyo ng palasyo para magkuwentuhan.
"Ha? Bakit naman iba?" kunot-noong tanong ko.
"Mukhang sobrang saya mo," dagdag nito.
Kaagad ko namang naisip ang nangyari sa amin ni Kiel noong nakaraang gabi. Hanggang ngayon ay hindi mawala-wala sa aking mukha ang marka ng labis na kasiyahan. Tunay ngang kapag nalaman mo na totoo ang pagmamahal na nararamdaman mo para sa isang tao, at naibalik din ang pagmamahal na ito, magdudulot ito nang labis na kasiyahan.
"Bakit? Ngayon mo lang ba ako nakitang ganito kasaya?" tanong ko sa kaniya nang may nakataas na kilay. Pero hindi mataray ang dating.
"Hindi," simpleng sagot nito.
"O hindi naman pal-"
"Pero..." putol nito sa akin, "...ito ang unang beses
