Basta ipagpatuloy mo lang ang mga ginagawa mo, Drey. Nasisiguro kong malayo ang mararating mo."
"Maiba pala tayo Amy. Bakit pala hindi mo sinasabi ni Mama mo ang tungkol sa trabaho natin?"
"Nahihiya ako, Drey. Ang laki kasi ng expectation nila sa akin. Kasi nakapagtapos ako ng HRM at ang alam nila sa akin ay isa akong manager sa hotel." Paliwang ni Amy sa akin.
"Pero, Amy. Wala naman sigurong masama kung sasabihin mo sa kanila ang totoo. Kasi sa trabaho natin hindi natin ito dapat ikakahiya at dapat magpapasalamat pa tayo dahil dito kumita tayo at nakatulong sa ating pamilya. At isa pa nagsasayaw lang naman tayo at hindi nakikipagtalik sa kung sinu-sino sa loob." Pangangatuwiran ko sa kaniya.
"Ikaw ba, Drey. Sinabi mo sa iyong mga magulang ang totoo mong trabaho dito?" balik tanong niy
