AGAD kong ipinarada ang kotse sa ilalim ng punong mangga at saka nagmamadaling bumaba. Ang lakas ng kabog ng dibdib ko habang palapit sa bahay nina Celine. Lumingon ako sa paligid at nakita ang ilang kapitbahay na nagtitipon sa bakuran ng isa at nakamasid sa bahay nina Celine. Nang mapansin ako ng isa sa kanila ay agad akong tinawag. Lumapit ako sa mga ito.
“Pogi, nariyan ngayon ang tiyahin ni Celine! Ikaw na ang kumausap at napakasupladang tanungin!”
Nagusot ang noo ko at napatingin sa bahay. Sa kotse pa lang ay napansin ko nang bukas ang pinto at may ilang kagamitan ang nasa labas. Kinakabahan akong tumuloy.
“Celine!” Pagsilip ko sa pinto ay iba ang tumambad sa akin. Ilang lalake ang naroon na naghahakot ng mga gamit.
“Iwan n’yo na lang ang mga upuan para magamit ng lilipat.”
Na
