HANGGANG sa silid ay dala-dala ni Astrid ang pagngingitngit. Kung hindi pa tumawag ang ama ay hindi yata siya hihinto sa kabubulong. Isinantabi muna niya ang inis nang marinig ang tinig ng Daddy niyang si Dominic.
Kinumusta nito ang kaniyang pag-aaral. At dahil naroon na sila sa topic ay binanggit na niya rito ang tungkol sa project na gagawin niya out-of-town. Naalala na naman niya tuloy ang walanghiyang si Revor.
"You'll spend two days in Zambales? Sino'ng mga kasama mo? Marami ba kayo?" sunud-sunod na usisa ng ama.
"Yes, Dad. Aalis kami dito ng Friday ng hapon at sa Linggo na ng hapon ang uwi. At dalawa lang kami ni... Revor na gagawa ng documentary project na'to..."
"Si Revor? Anak ni Barbie?"
She swallowed. "Siya nga po, Dad."
"Okay. At least, kilala namin pareho ng Mommy mo ang
