INIS NA INIS si Eunice sa lakas ng ulan na naging sanhi ng traffic. Alas diyes na kasi ng gabi pero nasa kalagitnaan pa rin siya ng daan. Tila hindi umuusad ang mga sasakyan sa harapan niya. Sa tingin niya may aksidente na naman. Marami kasing mga sasakyang nakapalibot sa isang makitid na kalsada kung kaya one-way lang ang pwedeng daanan. May mga napansin rin sIyang mga patrol car at ambulance. Palagi naman kasing may naaaksidente sa lugar na ‘yon lalo pa at dangerzone ang bahaging iyon.
Napabuntong hininga nalang siya dahil sa inis. Pagod na pagod na siya dahil galing pa siya sa training sa Manila. Kapag may mga pagkakataon kasi ay sumasali siya sa mga trainings upang mas mapalawak pa ang kanyang alam. Dalawang araw rin siya sa Manila at miss na miss niya na ang anak. Siguradong tulog na
