ILANG araw ng tinatawagan ni Eunice si Jonathan pero hindi niya ito makontak. Hindi mapigilang hindi panghinaan ng loob dahil sa nangyayari. Bakit kung kailan na kailangan niya ito ay hindi niya mahagilap? Pakiramdam niya ay bumabalik na naman ang kahapon na pinagtataguan siya ng lalaki.
Ilang araw na siyang tuliro sa kaiisip kung ano ang dapat na gawin. Nasasaktan na naman siya. Ang daming tanong sa kanyang isipan pero hindi niya mabigyan-bigyan ng sagot. Hindi na siya makapagconcentrate sa mga dapat na gawin sa bakery lalo pa ngayon ang balak niyang magtayo ng seafoods restaurant. Apektado ang buong pagkatao niya dahil kay Jonathan.
Hindi niya dapat iasa sa iba ang dapat gawin. Mabuti nalang at natutulungan siya ng pinsan at ito nalang ang inutusan niyang pumunta ng Manila at mamili n
