BUMUKAS ang pinto ng simbahan at agad na tumambad ang dalagang nakasuot ng trahe de-boda at nakabelo ang mukha. Tumunog ang napakagandang awitin kasabay nang paglakad ng dahan-dahan ng dalaga papalapit sa groom. Lumandas ang kaniyang luha habang titig na titig sa bawat hakbang ng kaniyang magiging kabiyak.
Mahabang panahon siyang humiling, naghintay na muli silang pagtagpuin ng dalaga. Marami silang pinagdaanan, ang malaman niyang may asawa na ito ay parang gumuho ang mundo niya. Kaya nga no’ng hinatid niya ito sa asawa na si Gerald sa probinsya ay halos nais na niyang tapusin ang kaniyang buhay. Tinulak siya ng isang tauhan mula sa private jet, akala niya ay mamatay na talaga siya. Ngunit, may nakakapit pala sa katawan niya na parachute. Lahat na sakay sa jet na ‘yon ay tumalon bago pa
