Chapter Twenty
"Manang, huwag na po muna kayong maghatid ng kakanin bukas. Day off ko po." Nandito na ako sa bahay. Kinakain iyong takeout namin ni Chi-Chi. Kanina'y dinekwat ko no'ng abala si Aling Barang sa customer niya. Baka naloloka na iyong matandang iyon doon mahahanap no'ng pagkain.
"Sige, Lily. Pero sabihan mo ako kung sa susunod na umaga ay magtitinda ka para maihanda ko pa rin ang paninda mo."
"Opo. Salamat po." Sabay baba na ng tawag. Inilapag ko ang phone at binigyang atensyon ang pagkain. Mamayang hatinggabi ay lalabas ako at magtutungo ng palengke. Plano ko ring maglagay ng mga camera sa paligid ng palengke.
Kung hindi ko magawang maglibot ng umaga... panonoorin ko na lang ang buong palengke ng gabi.
For sure, nasa paligid pa rin si Arvon Kapkafe.
Binuksan ko ang lapto
