Chapter Twenty-one
"Hindi ka magtitinda ngayon, Ate Lily?" tinimplahan ko ito ng gatas. Sa akin naman ay kape.
"Hindi, Chi." Dahil nakapag-install naman ako ng mga spy cam doon ay pwedeng doon ko muna i-monitor ang lugar. Pero bukas ay balik palengke rin ako. Iba pa rin kung makakasalamuha ko ang mga tao.
"Bakit po?"
"Tinatamad ako."
"Mayaman ka po ba? Kasi kapag mahirap ka'y bawal kang tamarin kahit isang beses."
Inilapag ko ang tasa bago ko ito tinignan. "Sino namang may sabi n'yan?"
"Si nanay po. Kaya nga work pa rin siya nang work. Bawal daw siyang maging tamad dahil baka tumanda na lang siya ay hindi pa niya nababawi ang tatay."
"Bakit kasi gusto pang bawiin ng nanay mo?" iba rin ang trip ni Aling Barang.
"Love na love po ni nanay si tatay. Kaya nga gusto ko na magpaampon sa
