Chapter Twenty-four
Pinagmamasdan ko ang mga lumang larawan ng pamilya ni Mang Koko. Mula no'ng binatilyo siya hanggang sa maikasal sa kanyang asawa. May tatlo rin silang anak at makikita iyon sa family picture nila.
"Hija, tubig." Lapit ng asawa ni Mang Koko sabay abot ng isang baso ng tubig sa akin.
"Salamat po, Manang." Magalang na ani ko sa ginang.
"Ikaw raw iyong bagong tindera ng kakanin? Iyong sumalo sa pwesto sa bukana?"
"Opo. Ako nga po."
"Naikwento ka ni Koko sa akin. Ang ganda-ganda mo raw at sa tingin niya ay bagay kayo ng binata namin." Itinuro niya ang larawan ng isang lalaki na hawig kay Mang Koko. "Ito ang panganay namin, si Samilito Koko. Single pa iyan. 29 years old na."
"Magkamukha po sila ni Mang Koko." Kahit naman iyong dalawa pang anak ay kay Mang Koko rin nagm
