Chapter Thirty-five
"Dito ka lang. Hindi ka aalis dito." Mariing bilin ko kay Chi-Chi. Hindi talaga pwedeng sumama pa ang bata. Katulad nito. Plano kong sundan iyong customer na pumakyaw ng paninda ko. Pero ito ako't nagbibilin. Papalabas na ng palengke ang matandang lalaki. Kakaiba ang kutob ko rito.
Pero imbes na sumagot ang bata ng opo ay mas pinili nitong hawakan ang kamay ko at pinigilan ako sa plano kong pag-alis.
"Chi?" ani ko.
"Huwag mo po akong iwan, ate. Baka gawin po nila akong sinigang dito." Napabuntonghininga na lang tuloy ako. Dali-dali kong inilabas ang cellphone ko. Nagpadala ako ng message sa headquarters. May ilang CCTV din naman sa labas. Kahit sa pwesto ko ay may hidden cam. Pwedeng i-scan ng mga girls ang mga mukha ng mga nagawi rito sa stall ko para hanapin ang i
