Chapter Thirty-six
"Ate, feeling ko'y mabubusog ako sa iluluto ni Kuya Nairo." Bulong ng bubwit. "Pero huwag ka pong magselos, ate. Okay lang po kung hindi po masarap ang luto mo. Kung sunog po ang hotdog. Matabang ang gatas. Matigas ang tinapay---"
"Hindi ka talaga titigil? Palalayasin kita sa bahay ko." Banta ko rito. Pero nang medyo naglikot ay agad humawak sa braso nito upang hindi mahulog.
Pasta ang niluluto ni Nairo. Si Nairo na nagulat pang kompleto ang cabinet at ref ko, pero hindi ko naman iniluluto.
Spaghetti raw ang lulutuin nito. Ginamit pa nga nito iyong panggiling ng karne na never ko pang nagamit.
"Bawal po magsabi ng totoo?" parang na off-guard ako sa tanong nito. Kung paiiralin ko ang ugali ko. Tiyak kong negative ang lalabas sa bibig ko. Pero kung iisipin ko at manan
