Chapter Ten
"Fifty pieces na styro na ang laman ay kanin at ulam." Tinitigan ako ni Aling Barang na akala mo'y nagjo-joke ako. Magtitinda pa rin ako ng kakanin pero magdadagdag lang ngayon ng kanin at ulam. Si Aling Barang ang naisip kong guluhin sa plano kong ito. "Kung hindi mo gagawin ay susunugin ko itong karindirya mo." Banta ko pa.
"Itong babaeng ito naman hindi makapaghintay. Iniisip ko pa nga lang kung paano ko iyon gagawin, eh!" pikon na ani nito.
"Bibilhin ko naman kasi sa 'yo. Mapaubos ko o hindi ay bayad ka naman. Huwag mo nang pag-isipan. Kanin at kahit dalawang ulam lang. Ikaw na ang bahala."
"Ganito na lang... gagawin ko iyang request mo. Pero bukas ay isama mo si Chi-Chi. Isama mo sa palengke bukas."
"Aling Barang!" reklamo ko agad.
"Huwag na pala---"
"Sige na nga."
