Jelaine's POV
"Welcome to our room, love," malambing na anas ni Gian nang buksan nito ang pinto ng unit nito. Ikinumpas pa nito ang kamay na tila ako inaanyayahang pumasok. Natawa ako nang yumukod pa ito sa harap ko na para akong isang prinsesa.
Malawak ang ngiting pumasok naman ako, at nang mapatapat ako rito ay mabilis nitong hinalikan ang noo ko.
"Thank you," sabi ko habang inililibot ang paningin ko sa kabuuan ng unit nito. Lihim akong napakunot-noo nang makita kong tila wala namang nabago sa ayos niyon.
Baka sa kuwarto may ipinaayos. Piping sabi ko.
Ang sabi kasi nito sa akin ay may ipapaayos muna sa unit bago ako lumipat dito. Pero parang wala namang nabago o nadagdag na kung ano rito. Minsan pa'y iginala ko ang aking paningin ngunit wala talaga, maliban sa isang malaking pic
