Jelaine's POV
HINDI mawala-wala sa isip ko ang sinabi ni Amanda tungkol kay Gian. Ayaw kong mag-isip ng masama patungkol sa sinabi niya dahil malaki ang tiwala ko sa nobyo ko. Bakit ako maniniwala sa kaniya gayong isa siyang ex na mukhang umaampalaya.
Makailang ulit kong pinilig ang ulo ko para alisin ang mga bagay na hindi ko naman dapat isipin. Nagpatuloy ako sa paglalakad palabas ng Resort. Ngunit sa sobrang lalim yata ng iniisip ko hindi ko napansin ang taong pasalubong sa akin dahilan para mabangga ko ito.
Ramdam ko iyong lakas ng impact ng pagkakabangga namin sa isa't-isa. Bahagya akong gumiwang sa pagkakatayo ko, at sa takot na bumagsak ay tinibayan ko ang mga binti ko.
"Hindi ka ba tumitingin sa dinaraanan mo?" Rinig kong tanong ng boses babae.
"Pasensya na po.." hinging pau
