Jelaine's POV
HINDI ako makapaniwala sa nakikita ng mga mata ko ngayon, pakiramdam ko nakikita ko sa salamin ang sarili kong repleksiyon. Dahan-dahan akong tumayo habang mahigpit na nakahawak sa upuan.
Para akong nanlambot na hindi ko maintindihan. Posible bang maging magkamukha ang dalawang taong hindi naman magka-anu-ano?
"Hi, you looked surprised, guy--" Napatda ang babaeng kamukha ko nang mapatingin ito sa akin.
Kagaya ko nanlaki rin ang mga mata nito at tila hindi rin makapaniwala sa nakikita nito. Maaaring mas maganda at maputi siya pero hindi niyon kayang ipagkaila na halos iisa ang aming mukha.
"W-Who a-are you?" tanong nito habang nakatingin sa akin. "Bakit kamukha kita?"
Hindi naman ako sumagot, nanatii akong nakatingin dito. Hindi ko magawang alisin ang mga mata ko rito,
