Jelaine's POV
"May kaugnayan ba kami sa isa't-isa? Sinong Nanay niya, Gian?" pag-uulit ko.
Sinalakay ng kaba ang dibdib ko pero aaminin kong may nakapa akong pananabik sa puso ko. Kasabay niyon ay ang pag-usbong ng hinanakit para sa mga taong nang-abandona sa akin sa mahabang panahon.
Nang hawakan ni Gian ang kamay ko at igaya ako patayo ay sumunod ako rito. Tumingala ako sa kaniya.
"Gian.."
"Come here, may ipapakita ako sa'yo," sabi nito at iginaya ako papasok sa loob ng bahay. Sa ibang pinto kami dumaan.
"I want to show you something, love. I'm sorry if I did that without your permission," sabi nito habang naglalakad kami. Mahigpit nitong hawak ang aking kamay.
Tumigil kami sa tapat ng isang nakasarang pinto. Humarap ito sa akin.
"This is my room, come in." Binuksan nito iyon
