Jelaine's POV
MATAPOS makipagbardagulan ni Lala kay Amanda ay kaagad na kaming bumalik sa resort. Hindi naman nagtagal ang biyahe, pagkababa namin sa jeep ay tatawid na sana kami nang bigla na namang humablot sa braso ko.
Mabilis akong napalingon at nakita kong si Amanda na naman iyon pero hindi na ito nag-iisa may kasama itong dalawang lalaki.
"Aba't, ikaw na naman?! At talagang nagsama ka pa ng alipores mo, ha?" inis na sabi ni Lala sa tabi. Hawak din nito ang kabilang braso ko. "Huwag mong sagarin ang pasensya kong Amanda ka, ha? Kahit kamag-anak ka pa ng amo ko papatulan kita!"
"You shut up! Hindi ikaw ang kailangan ko kaya itigil mo iyang mabaho mong bibig!" galit namang ganti ni Amanda.
"Aba't!"
"La, pabayaan mo siya-" hindi natapos ang sasabihin ko nang muling hablutin ni Aman
