Jelaine's POV
MATAPOS kong umiyak sa dibdib ni Gian ay kumalas na ako rito. Tumingala ako rito nang maramdaman ko ang kamay nito na humahaplos sa buhok ko.
"Salamat, Gian," sabi ko at pasimple itong itinulak papalayo sa akin. Sobrang dikit kasi ng katawan nito sa katawan ko.
"Ang iyakin naman nitong birthday girl natin, guys," tudyo ni Gian sa akin.
Napasimangot naman ako nang tumawa si Lala, Kuya Larry at Vanessa. Nanunudyo ang mga mata nila habang palipat-lipat ang tingin sa amin ni Gian, na ngayon ay nakadikit na naman.
Pasimple ko itong itinulak. Mukhang naramdaman nito iyon kaya't tumingin ito sa akin. Nagtatanong ang mga mata nito.
"Mas'yado kang madikit eh," mahina kong sabi. Sa halip na ma-offend ay tumawa pa ito.
"Kanina nga niyakap mo ako nang wala kang pasabi, hind
