“BYE!” Nagpaalam na ako sa mga kasama ko. Inihatid ako nina Sir Kyle at dahil mas malapit ang apartment ko kaysa sa dalawa pang katrabaho ay mas nauna nila akong ihatid.
Naglalakad na ako papunta sa apartment ko. Hinahalungkat ko sa aking bag ang susi ko nang mapansin ko na may naghihintay na naman sa labas ng pinto ng aking apartment.
“Luciel, anong ginagawa mo rito?” Gulat pa ako dahil hindi ko inaasahan ang pagpunta. Akala ko, matapos ng pag-uusap namin kanina ay hindi na siya magpapakitaa sa akin ngayong araw.
Tumigil ako sa harapan niya. He looks tired.
“Hinihintay ka. Gusto ko lang makasigurado na makakauwi ka nang maayos.”
Bumagsak ang balikat ko sa sinabi niya. Naaawa ako kay Luciel. Gusto kong tumakbo sa kanya at yakapin na lang ito, ngunit hindi ko rin maisang-tabi ang aking
