BINALUTAN kami ng katahimikan matapos itanong iyon ni Mr. Benavidez. Ang hirap lumagok at para bang tuyong-tuyo na ang aking lalamunan dahil sa pamamaraan ng paninitig niya sa akin.
“O-Opo,” lakas loob kong sagot sa kanya. Anong problema? Bakit pakiramdam ko ay galit siya sa akin.
“Anong pangalan ng iyong ama?” tanong niyang muli.
Napalagok pa ako bago makasagot. “Josh Davis po.”
Umaasa ako na sana mali ako sa iniisip ko, na sana ganito lamang talaga siyang manitig sa mga taong kakakilala niya pa lamang, ngunit sadyang hindi nga ata niya ako gusto.
Tumingin siya sa direksyon ni Luciel at naramdaman ko ang paghigpit ng hawak ni Luciel sa akin kaya’t tumingala rin ako at tiningnan ito. Kita ko ang kawalang saya niya sa kanyang mukha. Ang parating suot niyang ngiti ay hindi mo makikita s
