CHAPTER 28
HALOS takbuhin ni Yza ang main door ng bahay para lang makapasok kaagad pagkababa niya ng sasakyan.
Nakatayo roon ang dalawang kasambahay na naiwan at walang tigil ang dasal habang nakatingala sa langit kaharap ang mga tauhan ni Adam. Waring naghihintay ang mga iyon at nag-aabang kung may puputok ba na baril o wala.
“Nandito na ang baby niya! Santissima Trinidad Yza, sirang-sira na sa ang ulo ni Señorito sa iyo!” bulalas ng ate Cora niya habang ang ate Isay niya ay bumubulong ng mga dasaling latin.
Daig niyon ang albularyong nagpapaalis ng ligaw ng kaluluwa dahil nakatirik ang mga mata habang sumasambit ng orasyon.
Si Tadeos ay hindi mapakali sa kaka-paroon at parito.
Ni hindi siya nakapagsalita dahil kinakabahan siya ng sobra. Natatakot siya nang husto kapag ganoon na pat
