CHAPTER 16
TULUY-tuloy na si Yza sa loob ng mansyon pagkababa nila ng sasakyan dahil kausap pa ni Adam si Shelton sa may main door. Hindi man niya gustong iwan ito pero alangan naman na makinig siya sa mga pag-uusapan ng dalawa. Hindi naman siya tsismosa. Mamaya ay masigawan pa siya ay ‘di iiyak pa siya noon. ‘Wag na lang.
“Patanggalan mo ng lisensya sa pagiging abogado ‘yon kung hindi babarilin ko ang tang-ina na ‘yon.” rinig niya ang matitigas na pagbitiw nito ng mga salita kaya napatigil siya sa paghakbang sa may sofa at napaantanda ng krus saka humawak sa dibdib.
Salubong ang mga kilay nito at bugnot na bugnot ang pagmumukha pero ‘di maiikaila na kahit ito na yata ang pinaka-moody na tao sa mundo ay ito na rin yata ang pinakagwapo.
Susmaryosep! Abogado? Sinong kaaway niyang abogado
