CHAPTER 20
TAHIMIK ang lola ni Yza nang abutan niya ito sa loob ng kwarto sa ospital. Nakatingin lang sa kanya ang matanda na parang maraming gustong sabihin o itanong pero hindi yata nito magawa. May alam na kaya ang lola niya? Palagay niya ay meron na kasi sa paraan ng pagtitig nito sa kanya ay may kakaiba.
Ngumiti lang naman siya at nakiramdam din at nang sa wakas ay mamaalam ang dalawang katulong para umuwi muna sa mansyon ay saka iyon nagsalita.
“Yza, apo.” tawag nito sa kanya kaya naupo siya sa gilid ng higaan nito.
Parang naiiyak na si Eli kaagad kaya naman ang mga luha ni Yza na wala naman kanina ay nakipag-unahan na. Sobrang babaw kasi talaga ng mga iyon at napakaiyakin niya.
“May sasabihin ako, 'La.”aniya at tumungo nang kaunti.
Hinawakan nito ang kamay niya kaya tumingin s
