CHAPTER 9
NAKATULUGAN na lang ni Yza ang paghihintay na lumabas ang duktor mula sa emergency room at ang paghihintay na dumating si DJ. Kinalkal niya kaagad ang cellphone nang magmulat siya ng mga mata pero wala na ito sa bag niya o di kaya ay sa kamay niya.
Ay ano ba? Paulit-ulit na siyang luminga sa paligid at sinipat ang ilalim ng upuan pero wala ang cellphone niya.
Sino namang kukuha ay luma na nga, phase out pa. It's a basic Nokia E51 anyways. Bakit naman may kukuha pa? Ano namang klaseng high class hospital iyon at may nagka-interes pa sa cellphone niyang sira-sira na?
Sa may di kalayuan ay kaagad na napansin niya si Blake na nakatayo at may dinudutdot.
Baka ninakaw niya ang phone ko.
Pasimple niyang pinahaba ang leeg at sinilip ang dinudutdot ng lalaki, at ang nakita niya ay a
