CHAPTER 25
LAMAN ng utak ni Yza ang sinabi ni Tadeos sa kanya na hindi raw pala pinakain ni Adam ang mga niluto niya sa mga tauhan nito. Iyon raw pala ang kumain kaya nagka-rashes. Ayaw daw ipatikim dahil wala raw pwedeng tumikim ng luto niya kundi iyon lang dahil nag-iisa raw si Adam na asawa niya.
Grabe talaga. Parang sira ulo ang asawa niyang kapre.
Paano niya nalaman? Kasi nakasalubong niya ang tauhan na iyon ni Adam kaninang nasa bahay pa siya kaya tinanong niya kung kamusta ang Chopsuey niya at pinatuyuang hipon. Ang sagot ay ‘di raw sila nakatikim kahit sabaw o buntot ng hipon, at bawang ng Chopsuey. Babarilin daw ni Adam sa bibig ang makitang tumikim ng mga iyon. Ang kaisa-isang nakatikim ay ang ate Isay niya na tawa nga nang tawa kasi pagkatapos daw na kumain ng asawa niya ay n
