Loren's POV
"Ang laki ng bahay na 'to." mangha na sabi ko. Nasa sala pa lang kami. Ang laki ng sala at dalawang palapag pa.
"Para sakin maliit lang 'to para sa parents mo. Gusto ko malaking bahay para sa parents ng babaeng mahal ko." Hinapit niya na lamang bigla ang bewang ko. Mabuti na lang nauna kami rito at nasa labas pa lang sila Inay.
"Kasi mayaman ka, marami kang pera. Kahit nga kubo lang masaya na kami. Sa laki nito baka hindi na magkikita-kita sila Inay at Itay." nakaingos na sabi ko sa kaniya.
Maya maya lang ay nakarinig kami ng mga hakbang palapit sa amin. Napalingon kami sa aming likuran. Katulad ko ay nakita ko rin ang pagkamangha sa mukha ng mga magulang ko.
Halos hindi rin sila makapaniwalang ito ang bahay na binili ni Haden para sa kanila.
"S-sigurado ka ba, Had
