Loren's POV
"Kahit ano gagawin ko, Mr. Dee. Kahit na katawan ko ang kapalit ng pera na kailangan ko ay ibibigay ko sa 'yo. Wala na akong ibang mapuntahan kaya desperada na akong ibigay sa 'yo ang katawan ko kapalit ng pera na kailangan ko." sunod-sunod na tumulo ang aking mga luha.
Bigla na lamang niya akong niyakap. Hinaplos niya ang likuran ko. "Hindi mo kailangan ialok sakin ang katawan mo, Loren. Kaya kitang pahiramin ng pera na walang kapalit." sagot nito na nagpaawang sa aking mga labi. Hindi ko inaasahang iyon ang isasagot niya sa akin.
"W-walang kapalit?" halos hindi ako makapaniwala sa sinabi niya.
Walang kapalit? Malaking halaga ang kailangan ko pero pumapayag siya na walang kapalit.
"P-pahiramin mo 'ko ng isang milyon na walang kapalit?" nanatiling nakaawang ang aking labi
