Loren's POV
Dumiretso kami sa mansion. Gabi na kasi kami nakarating kaya kinaumagahan na lang din ihahatid sila Inay sa bahay na binili ni Haden para sa kanila.
"Loren!" nagulat ako nang marinig ang sigaw ni Carde. Kaagad rin naman ito nagtakip ng bibig nang maibaling namin ang aming paningin sa kaniya.
"S-sorry po." kaagad naman nag-peace sign si Carde. Narinig kong napatawa si Mrs. Dickson.
"Bakit ka niya kilala anak?" bulong sakin ni Inay.
"Dito po ako nagtatrabaho, Nay. Tamang-tama po na si Mrs. Dickson ang nakakita sakin noon ng mawalan ako ng malay. Tamang-tama rin po na nangangailangan sila ng katulong." paliwanag ko rito.
"Ganoon ba."
Dumiretso kami sa dining area. Abala ang lahat ng katulong sa pag-aayos. Mukhang malaking salo-salo ang magaganap. Kompleto ang magulang
