Loren's POV
NAKARATING ako ng hospital na puno ng luha ang aking mga pisngi. Hindi ko alam kung mugto na ba ang mga mata ko dahil hindi ko pa nakikita ang sarili ko sa salamin.
Hindi rin maayos ang pagkakasuot ko ng dress na hinablot ko sa kama kanina. Ang buhok kong magulo dahil walang suklay.
Nagmamadali na ako at hindi ko na nagawa pa ang mga bagay na 'yon. Hindi ko na rin pinansin pa ang lahat ng nalaman ko tungkol sa ginawang pagpapa-hold -up ni Haden sakin.
Bakit niya nagawa 'yon?
Papasok na ako ng hospital. Habang papasok ako ay iilan sa mga nadadaanan ko ay napapatingin sakin. Hindi na ako magtataka kung bakit? Dahil sa hitsura ko. Tinalo ko pa ang ni-rape ng ilang lalaki. Mas masakit pa sa gang-rape ang nangyari sakin. Ang babuyin ka ng lalaking mahal mo ay wala ng mas sa
