Nakangiting lumapit ang nanay ni Santa sa deriksyon niya pero bago pa ito makarating sa kanya ay may narinig silang komosyon sa labas. Parang mag-asawang nagtatalo, papalapit sa loob ng bahay ang mga nagmamay-ari ng boses.
"Walanghiya ka! Animal ka!"
"Tumigil ka!" bulyaw ni Leo sa babae nang makapasok na sila sa loob ng bahay. Umiiyak ang babae at galit na galit.
Na shocked si Linda na napatingin sa dalawa, nakatitig siya sa babaeng malaki ang tiyan at sa anak niyang si Leo.
"Leo, anong ibig sabihin nito?" tanong niya nang makitang malaki ang tiyan ng babae at parang kabuwanan na yata nito. Nakikita niya ang galit sa mga mata ng babae, maski siya rin naman ay shocked hanggang ngayon. Binalikan siya ng babae.
"Iyan anak n'yo! Gustong takasan ang responsibilidad niya sa akin at sa mag
