Paglabas ni Santa sa gate ng bahay nila, nakita niya ang Tita Imelda ni Dominic. Nakatayo ito sa gilid ng kotse nito. Mabilis siyang lumapit dito.
"Ma'am–"
"It's Tita Imelda, Santa." Putol nito sa sasabihin niya. Ngumiti ito sa kanya. "Asawa ka na ni Dominic, hindi ba? Kaya dapat lang tita na ang tawag mo sa akin."
Tipid siyang ngumiti rito. "Uhm, bakit po kayo nandito?"
"Can I talk to you, hija?" malumanay na saad nito. Marahan siyang tumango.
Nauna itong pumasok sa loob ng kotse, sa passengers seat. Sumunod naman siya.
"Okay lang ba kung sa restaurant tayo mag-usap?"
Napatingin siya sa sarili, naka-pajama lang siya. Siguro napansin nito ang pag-aalangan niya kaya may kinuha itong coat, saka muling ngumiti sa kanya.
"Don't worry, may trench coat ako, isuot mo." Ibinigay nito sa k
