CHAPTER 77
Agad akong nagsabi kay Tores na nasi-CR ako. Umiiwas akong kausapin o lapitan si Rocky. Agad naman niya akong sinamahan. Nakiusap akong tanggalin na muna niya ang posas ko para makapag CR ako. Sumunod naman siya at naghintay siya sa labas. Halo-halo ang emosyong naramdaman ko nang pagkakataong iyon. Sabik akong makita si Gjiam at makausap. Pagpasok ko, walang tao sa loob ngunit alam kong isa sa mga cubicle ay naroon si Gjiam at nagtatago
“Gjiam,” mahina kong pagtawag.
Bumukas ang isang cubicle at nakita ko siya sa dulo.
Mabilis akong pumunta roon. Hinila niya ako papasok. Isinara niya ang pintuan at agad niya akong niyakap at hinalikan. Matagal na panahong kinasabikan ko ang malambot niyang labi na dumampi sa aking labi. Napapikit ako at dinamdam ko ang bawat ritmong galaw
