CHAPTER 34
“Anak, magsalita ka! Anong nangyari sa’yo? Nasaan ka?”
“Nasa presinto ho.”
“Presinto? Anong ginagawa mo riyan sa ganitong oras?”
“Mom, tulungan ho ninyo ako.” Hindi ko na kailangan pang maglihim. Kailangan nilang malaman agad ang sinapit ko. Hindi ko na kinayang pigilin pa ang aking emosyon kaya mas malala na ang aking paghagulgol.
“Tulungan? Bakit? Anak, magsalita ka. Bakit ka nga umiiyak. Nakaaksidente ka ba? May nabangga ka? May nanakit sa’yo?”
“Wala ho Mom. Inaresto po nila ako at ikukulong.”
“Ano? Seryoso ka ba? Paanong inaresto ka? Bakit ka naman aarestuhin? Ano raw naman ang kasalanan mo?”
“Pumunta na lang ho kayo rito Mom at please, magdala ho kayo ng abogado. Kailangan ko ho ng abogadong magtatanggol ho sa akin.”
“Diyos ko, anak. Ano bang ginawa mo? Anong nagya
