CHAPTER 59
“Hindi kaya ako babalikan ni SPO4 Roxas nito?” tanong ko kay Rocky nang naglalakad kami papunta sa aking selda. “Alam kong mas ginalit ko si Roxas sa ginawa ko at siguradong nagpa-plano na sila ngayon ni Mayor ng gagawin nila sa akin.”
“Hindi ko masasabing hindi iyon mangyayari. Posibleng gaganti sila. Gagawa sila ng paraan para mapahirapan ka pa rin sa loob. Kung nabigo man sila dahil mahina si Sanches, paniguradong may mababayaran pa rin sila sa loob na mas malakas kaya mag-ingat ka pa rin. Iba pa rin ang nagagawa ng koneksiiyon at pera lalo pa’t hindi kita mababanyatan ng bente-kuwatro oras.”
Huminga ako nang malalim. Alam kong simula pa lang ng bawian namin ni Mayor. Maaring panalo ako ngayon pero paano yung mga susunod pa naming mga laban? Hanggang nandiyan si Mayor at n
