CHAPTER 85
“Hindi gano’n ‘yon, Faith. Natatakot ako para sa’yo. Natatakot na baka maging ibang tao ka na na makalilimutan mong hindi ka kagaya ng ibang kriminal. Na hindi ka naman talaga masamang tao. Na mali pa rin ang pumatay. Na hindi dapat inilalagay sa iyong kamay ang batas,” pagpapaliwanag niya.
“Alam ko at iyon ang gusto kong paniwalaan noon. Ngunit hindi na ako ngayon naniniwala sa batas ng tao at hindi na rin sapat pa ang tiwala ko sa Diyos para hayaan na lang sana na ang Diyos na ang bahala sa kanila. Ako na lang ang bahala sa sarili ko at bahalang maningil sa kanilang lahat.”
“Punum-puno ng galit ang puso mo. Pero sana, magawa mo pa ring isipin kung anong tama at dapat.”
“Wala na akong pakialam sa kung ano ang dapat at tama. Ang mahalaga’y maiganti ko ang anak ko at ang sina
